Gööp民調(28) — Zoom適合作為大學教學平台？
上星期，台灣教育部勒令全國學校禁用Zoom，因為Zoom被揭露一連串問題。包括：存在大量安全問題、包括加密保安不足，將數據傳送予中國等。雖然Zoom被揭存在保安問題，但師生經過幾個月先漸漸熟習Zoom，要求師生重新適應其他軟件，需要用一定嘅時間。喺兩難嘅決擇之間，香港嘅大學生又點取捨呢？
樣本資料:
- 調查日期：2020年4月06日至 2020年4月13日
- 調查方法：經由Gööp網上平台收集意見
- 調查對象：香港大專生
- 成功收集樣本數目：1531票
- 公投題目：香港嘅大學應唔應該繼續用Zoom作教學平台？
民調結果顯示，有接近七成半(73%)嘅香港大專生認為大學唔應該繼續用Zoom作為日常教學平台。當中有55%嘅香港大專生建議學校轉用Mircosoft Teams 作教學平台；有15%嘅學生建議以Google Hangouts Meet 取代Zoom；提議以Adobe Connect 及Cyberlink U Meeting 作教學工具則分別佔2%及1%。相反，支持繼續用Zoom作為日常教學平台嘅香港大專生有11%。
學生認為大學唔應該繼續用Zoom作為教學平台嘅原因係擔憂Zoom嘅安全性，例如中國可能會透過Zoom監察嘅個人生活。跟據近日嘅報道指出，Zoom有存在保安漏洞嘅可能性。其中，Zoom被揭涉疑洩漏用戶個人資料，並將用戶數據發送到Facebook；352個Zoom帳號資料被盜取並在暗網販賣，會議金鑰間中會傳到中國伺服器等等安全問題，所以學生擔憂嘅安全問題的確值得三思。
發生一連串問題後， Zoom 宣佈已會我喺未來 90 日暫停開發新功能，會準備數據透明度報告並專注喺加強保安措施發展。
另一方面，支持繼續用Zoom作為日常教學平台嘅香港大專生認為Zoom有無可取嘅功能。學生指出Zoom嘅虛擬背景功能，喺其他軟件未有嘅功能。透過虛擬背景功能，學生可以將自己個樣key咗落背景到，重有得自訂背景圖片，就可以解決咗係屋企唔想打扮嘅問題！
最後，希望學校可以聆聽學生嘅意見及擔憂，作出最合適學生嘅決定。
相關話題：
相關文章：
如果你仲想知多啲Gööp嘅討論！歡迎各位同學仔加入Gööp討論 ，了解更多Gööper嘅意見！
— — — — — — — — — — — — — — — — — — — — — — — — — —
想知道更多大專嘅資訊同加入大專嘅社群就㩒落呢度👉🏻[Link]
