Gööp民調(25) — 香港大學生贊唔贊成留學生回港「避疫」?

FB Share

Gööp民調(25) — 香港大學生贊唔贊成留學生回港「避疫」?

全球多個地區大規模爆發新冠肺炎,香港政府向全球各國發出紅色外遊警示。自3月19日凌晨起,除咗喺澳門同台灣返香港嘅人,所有人返香港後都要強制家居檢疫14天💊。消息一出,大批喺外國嘅香港人都湧返香港「避疫」。香港近期逾半確診武漢肺炎的病例都係輸入個案,面對全球疫症蔓延,香港大學生又贊唔贊成海外留學生回港「避疫」?

樣本資料:

  1. 調查日期:2020年3月23日至 2020年3月30日
  2. 調查方法:經由Gööp網上平台收集意見
  3. 調查對象:香港大專生
  4. 成功收集樣本數目:1642票
民調結果

民調結果顯示,有接近六成(55%)嘅香港大學生贊成留學生回港「避疫」。相反,香港大學生唔贊成留學生回港「避疫」則佔四成半。

民調結果顯示,有五成半嘅香港大學生贊成海外留學生回港「避疫」。原因可概括為兩個。第一,香港大學生認為海外留學生只係去咗其他國家讀書,但佢哋依然係香港人,有權利返香港。同時,香港政府並冇封關,香港居民有公民權利,可以隨時返香港。其二,有香港大學生認為海外留學生回港並非只因「避疫」。面對嚴峻嘅疫情,一方面擔心自身健康,另一方面亦會擔心屋企人,難免會想同屋企人一齊面對疫情。值得留意嘅喺香港大學生贊成海外留學生回港「避疫」,但強調回港嘅海外留學生需要自律地完成為期14日嘅自我隔離。

另一方面,有四成半嘅香港大學生反對留學生回港「避疫」,因為香港大學生質疑回港嘅海外留學生會唔會自律地自我隔離。事實上,有留學生的確喺返香港之後,帶住監察手帶出外用餐;亦有人喺網上鼓勵剪斷監察手帶,將已下載「居安抗疫」應用程式嘅電話放喺屋企,企圖避過政府檢疫及隔離期。其實早喺外國輸入病例顯著增加嘅時候,已經有學者叮囑政府要有全套防疫檢疫策略,檢疫隔離絕對唔能夠粗疏,面對香港檢疫政策嘅漏動,政府責無旁貸。

參考文章:晴報:【隔離手帶】單手輕鬆脫下手帶 檢疫人士嘆形同虛設力數3大漏洞

總結無論係支持或反對海外留學生回港「避疫」嘅香港大學生,都有一個共同觀點就係回港人士係需要自律地進行14日嘅自我隔離。根據港台新聞,本港新型肺炎確診個案已突破500宗。近期有7萬名留學生喺歐美回港。從化驗嘅深喉唾液樣本當中,有1%留學生冇病徵但有病毒。由呢個數據可見,即使1%嘅帶菌人士,足以令疫症喺香港社區爆發。

如果你認識近期喺海外回港我嘅留學生,或其他回港人士。提提佢哋要喺安全地方自我隔離14日再外出。喺呢14日多啲陪下佢哋連線打機,開netflix party睇劇,煲下電話粥啦!

如果你仲想知多啲Gööp嘅討論!歡迎各位同學仔加入Gööp討論: 了解更多Gööper嘅意見!

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻[Link]

Related articles

Get Gööp app to engage with your community now!

Google Play LinkApp Store Link