Gööp民調(26) — 『限制令』有冇影響大學生嘅生活？

三月二十九日，香港政府開始實施十四日嘅『限制令』。目的為咗禁止市民在公眾地方聚集，從而減少傳播武漢肺炎嘅風險。『限制令』一出，部分公眾場所已被勒令關閉14日。甚至有部份大學響應政府嘅『限制令』，加強控制校園活動及社交距離。咁突如其來嘅『限制令』又會唔會影響大專生嘅生活呢？

樣本資料:

1. 調查日期：2020年3月30日至 2020年4月6日
2. 調查方法：經由Gööp網上平台收集意見
3. 調查對象：香港大專生
4. 成功收集樣本數目：1236票
5. 公投題目：你覺得『限制令』對你有冇影響呢？如果有，邊一項『限制令』對你影響最大呢？

民調結果顯示，有接近五成(48%)嘅香港大專生覺得日常生活沒有被『限制令』影響。相反，有超過五成(52%)嘅香港大專生認為『限制令』影響日常生活。五成嘅香港大專生中，有3成半(37%)嘅大專生認為『限聚令』對生活造成最大影響；10% 嘅大專生認為『限Gym令』對生活造成最大影響，5%嘅大專生認為『限酒令』對生活造成最大影響。

香港大專生認為『限制令』影響日常生活嘅原因可概括兩個。第一，突如其來『限制令』令日常消閑活動都做唔到，一時三刻又未能夠搵到取代正常消閑活動嘅方法。(小編FF：如果政府向每一個香港家庭，送一部SWITCH就好啦!)

另外，有部分學校都加強控制校園活動同社交距離，例如：公共空間禁止4人以上聚集，進入實驗室人數每次唔可以多4人。面對以上嘅措施，學生要做分組功課又應該可以點樣處理呢，所以『限制令』無疑對學生嘅生活促成影響。

除此之外，有學生指出對生活最大影響係政府一直未實行全面封關，而非『限制令』。事實上，政府到現時都冇實行全面封關，未能有效阻截疫情嘅輸入，導致香港爆發第二輪疫情。喺呢一刻強推『限制令』，不單只沒有控制疫情，更對香港嘅經濟造成嚴重衝擊，最直接影響零售業、飲食行，『香港小店』。

當然有接近一半嘅大專生直指，喺現階段，香港人唔應該出街，只顧住玩。往另一方面諗，『限制令』亦帶有約束市民嘅效果。有學者指，政府擔心內地復工後，可能會爆發新一輪疫情，所以「限聚令」有可能延長多過十四日，以免令香港爆發第三波疫情。各位Gooper畀啲耐心等候，盡量留係屋企，減少受感染嘅機會。

其實唔出街，留係屋企都有好多休閒活動，例如睇劇、打機，自學。如果想睇多啲有關呢類型嘅資訊，就係相關文章到揀啦!

相關文章：

1. 必睇IELTS應試攻略
2. 在家自學語言好幫手
3. 抗疫福音！影片串流平台懶人包
4. 4個睇YouTube增值自己嘅頻道！

如果你仲想知多啲Gööp嘅討論！歡迎各位同學仔加入Gööp討論 ，了解更多Gööper嘅意見！#康復香港時代抗疫

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻[Link]