Gööp民調(24) — 大學生最想學校引入邊一類型嘅餐廳?

FB Share

Gööp民調(24) — 大學生最想學校引入邊一類型嘅餐廳?

大學Canteen對大學生幾重要都唔需要多講。有時多堂上,一日三餐都要喺Canteen 搞掂。可能未必每個學生都知,有啲大學係有膳食委員會學生代表㗎,例如:理工大學、嶺南大學,中文大學。三月新莊上任,唔知大學生又想新上任嘅膳食委員會學生代表,或學生會幫學生爭取同改善咩餐飲服務呢?

樣本資料:

  1. 調查日期:2020年3月16日至 2020年3月23日
  2. 調查方法:經由Gööp網上平台收集意見
  3. 調查對象:香港大專生
  4. 成功收集樣本數目:2588票
調查結果

民調結果顯示,有接近三成(28%)嘅大專生最想大學引入台式飲品店啊。其次,大專生最想要大學有糖水鋪,總佔14%。除此之外,火鍋店(13%)同酒吧(12%)都係大學生想學校有嘅餐飲設備。其餘選項分別佔:素食餐廳(4%)、茶樓(6%)、大排檔(9%)、韓燒店(7%)、bbq場地(2%),及其他(5%)。

精選留言 1

民調結果顯示,有約三成嘅大專生最想大學引入台式飲品店。原因喺好多大學生喺上堂前都會去買枝嘢飲。冬天都猶自可,但夏天嘅時候,山長水遠終於返到學校,都真係幾想飲返杯凍茶、凍奶綠,凍波霸!台式飲品店嘅好處就係無論凍飲同熱飲嘅味道都唔會差太遠,難怪咁受學生歡迎!希望膳食委員會會代表學生,提出招納台式飲品店啦!不過,提提各位Gööper ,盡量避免經常飲珍珠奶茶,因為珍珠係比較難消化,口渴嘅時候,飲返杯水果茶都係唔錯嘅選擇。

精選留言2

另外,受社運影響,大學生除咗會考慮餐廳種類之外,重會考慮埋餐廳嘅政治立場。最近,啱啱上任嘅理大膳食委員會,就成功為理大學生爭取終止Starbucks合約。根據理大學生會公投結果,有過八成半嘅同學認為理大應該終止同美心集團之餐飲業嘅合約,最終以六票贊成一票反對嘅結果,通過Starbucks不獲續約。

會議詳情: 理大膳食委員會之會議重點及摘要

如果學生想支持黃色經濟圈,除咗拒絕光顧『藍店』外,更加建議光顧『黃店』,咁先可以令『黃店』繼續經營。不如睇下大學Canteen有咩『黃店』,歡迎各位喺下文留言,補足大學𥚃面嘅『黃店』。

  1. 食神飲食文化(中大敬文書院)
  2. Paper & Coffee Bu(浸會大學善衡書院邵逸夫樓)

蘋果專訪 — Paper & Coffee Bu

3.USweet 小食皇 (香港大學綜合大樓)

精選留言 3

如果你仲想知多啲Gööp嘅討論!歡迎各位同學仔加入Gööp討論: 了解更多Gööper嘅意見!

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻[Link]

Related articles

Get Gööp app to engage with your community now!

Google Play LinkApp Store Link