相信今年Fresh Grad嘅大學生感觸都好大，由上年下半年社會運動到今年武漢肺炎嘅影響，成個Final year都冇上過堂咁濟。加上而家全球經濟環境咁差，大家唔想一畢業就失業，唯有自我增值。以下就介紹幾個課程比大家報考/報讀，一齊逆景中提升自己嘅競爭力啦
1. IELTS
好多人都以為出國讀書先要考IELTS，但其實好多公司睇CV時都會睇你有冇考過IELTS。有部分HR見你考過IELTS都會加分，甚至IELTS有7.5 分以上有機會會比同期入職嘅Fresh Grad多 1–2K添。所以趁呢段時間考嚟傍身或者增值自己都冇壞。想了解更多可以參考返我哋之前有關嘅文章。
相關文章：https://goop.ai/blog/0ckc/ASSO-HD-大學生去exchange-海外升學必睇IELTS入門攻略
報考傳送門：https://www.britishcouncil.hk/exam
2. 普通話水平測試
普通話水平測試同IELTS一樣都係一種語文水平認證，不過普通話水平測試應該就比較少人知道啦。唔一定要返大陸做嘢或者讀書先要考普通話水平測試，某啲職業例如教師、配音員或者大企業都會要求你達到某個等級。而想報考普通話水平測試就可以留意各間大專院校嘅安排。
3. Adobe Photoshop & Illustrator 軟件課程
無論你係咪做design，返工都有機會要用到Photoshop或者Ai。想個CV靚仔啲，不妨可以可以報讀吓一啲微軟件課程。唔係話返咗工邊學邊做唔得，不過提前裝備好自己永遠都唔嫌多，而且HR見你本身已經擁有佢哋需要嘅技能，自然請你嘅機會都大啲啦！
報讀傳送門： Adobe Photoshop & Illustrator 軟件課程
4. 網頁設計課程
呢項課程就適合一啲未清楚自己想係邊個行業發展或者想創業嘅同學仔報讀，而家網絡大勢，好多公司都會向digitial方面發展。而呢個課程就提供開發網頁/app，仲有網頁設計等大學未必學到嘅課程。完成課程都會有證書提供，相信對日後搵工甚至創業都有好大幫助。
報讀傳送門：網頁設計課程
如果你仲想知多啲Gööp嘅討論！歡迎各位同學仔加入對話，了解更多Gööper嘅意見！
— — — — — — — — — — — — — — — — — — — — — — — — — —
想知道更多香港學生嘅社群就㩒落呢度👉🏻https://goop.ai/
