5大「Zoom」隱藏功能!

FB Share

「而家係停課啊,唔係絕學啊!」近嚟停課好多學校都轉哂做online learning,而最近喺Gööp上面都見到好多同學仔分享咗係屋企遙距上堂嘅趣事,無論係professor定係同學都發生咗好多蝦碌嘢。今次就同大家講解吓最多大專院校用嘅Zoom遙距會議軟件當中你未必知嘅隱藏功能啦!

1.預約會議

Zoom除咗可以要嚟上堂聽書之外,仲可以要嚟傾Project添。Zoom內置排程會議功能,可以預約定下次會議日期同時間,夠鐘就會通知所有會議成員。呢項功能除咗可以有助大家喺屋企都可以好好分配時間同整理好會議清單,仲唔洗驚freeride借啲意唔傾project啦!

2.錄影會議記綠

雖然喺屋企上堂唔洗咁早起身,但係有時聽聽下書都可能會恰眼瞓,又驚煮早餐嘅時候miss咗呀sir講嘢。用咗錄影功能就可以將成個lecture嘅內容錄底,會議結束嘅時候就會自動save做MP4檔。有得之後再睇返咁就唔驚會miss咗幾時要交功課或者分組,考試溫書嗰陣有咩唔明仲可以拎返出嚟溫故知新添!

3.美顏鏡頭

喺屋企啱啱起身就要上堂,professor仲要求同學開cam點名,啱啱起身嗰樣點見人啊?唔通係屋企都化妝咩。原來好多同學仔都唔知道Zoom有美顏鏡頭,只要係視訊設定開咗美顏鏡頭,就好似平時P圖咁,嗰殘樣就唔洗比人見到。唔會嚇親男神之餘,professor都唔會唔認得你啦!

4.視訊預覽

除咗美顏功能之外,視訊設定仲有得較視訊預覽功能。視訊預覽功能就係可以係進入會議時開啓視訊前比時間你檢查一下儀容同背景,預覽一下自己嘅畫面先開cam。呢項功能除咗可以避免有蝦碌事情發生,仲有機會可以執整齊自己同背景比個好印象professor,唔洗一開cam連自己都嚇親啦。

5.虛擬背景

最後呢項功能實用得嚟又幾有趣,就係虛擬背景功能啦。用咗虛擬背景就會將自己個樣key咗落個背景到,仲有得自訂背景圖片。咁樣就唔洗每次上堂都要執返好啲衫,就算啊媽經過都唔怕比同學見到啦。不過呢項功能就只限你本身嘅背景係純色,就好似電影特效咁,都要綠幕先可以key到上去,如果唔係你個樣就會同張圖片融為一體㗎啦。

如果你仲想知多啲Gööp嘅討論!歡迎各位同學仔加入對話,了解更多Gööper嘅意見!

— — — — — — — — — — — — — — — — — — — — — — — — — —

想知道更多大專嘅資訊同加入大專嘅社群就㩒落呢度👉🏻https://goop.ai/

Related articles