唔講唔知Zoom原來有咁多隱藏功能。相信唔少大專生都俾ZOOM嘅預設功能伏過！喺四個最容易中伏嘅預設功能內面，你估下香港大專生最想取消咩功能先？

樣本資料:

1. 調查日期：2020年3月09日至 2020年3月16日
2. 調查方法：經由Gööp網上平台收集意見
3. 調查對象：香港大專生
4. 成功收集樣本數目：3231票

民調結果顯示，有接近五成(49%)嘅大專生最想取消強制解除靜音呢個功能。其次，大專生最想取消嘅功能就係注意力追蹤，總佔23%。而想取消加入會議後自動開CAM嘅大專生就有21%。最後，想取消顯示加入會議嘅時間嘅大專生就佔8%。

民調結果顯示，有五成嘅大專生最想取消強制解除靜音呢個功能。相信有唔少Gööper都中過伏。當你以為熄咗咪就冇事，其實就算喺加入會議前熄咗咪，主持人都可以全體解除靜音，即係Professor 可以開返你嗰咪。至於點樣對抗呢個功能，有Gööper就提議用膠紙封住個咪，或者將咪個收音量較到最低，咁Professor 強制開返你個咪，你都唔洗怕啦！不過，上堂嘅時候最好就專心唔好做其他嘢，咁professor 幾時開你咪都唔洗驚啦！

另外，有23%嘅大專生想取消注意力追蹤呢個功能。咩係注意力追蹤功能?注意力追蹤功能就係如果會議參加者超過30秒未聚焦Zoom，主持人就會喺會議參加者面板中見到一個指示符，即係Professor 係會知道你上堂掛機㗎！有唔少Gööper就認為呢個功能未免對學生嚟講太唔公平！要知道學生上堂唔單只係望住Zoom Meeting上堂，有時都會開其他軟件jot notes或者上網做下Research。咁樣30秒未聚焦Zoom，又計唔計冇上堂呢？因為呢個原因，令到有部分嘅大專生想取消注意力追蹤功能。

相關文章：

1. Zoom終極篇 — 4大隱藏功能
2. 5大「Zoom」隱藏功能

如果你仲想知多啲Gööp嘅討論！歡迎各位同學仔加入Gööp討論: ，了解更多Gööper嘅意見！

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻[Link]