一、簡介

樹仁簡稱仁大，又稱樹大、Tree U、新一大 等，位於北角寶馬山，係香港第一間私立大學。樹仁唔叫樹大傳聞係因為當初正名大學嘅時候驚比人話樹大有枯枝；簡稱「仁大」又會被附會為中國嘅人大代表。不過校內普遍都認為「寧當代表，莫當枯枝」，公認簡稱為「仁大」。

二、地標/設施

樹仁嘅校舍唔算好大，以下個地方都一定係大家四年都會成日「去蒲」嘅地方。

1. 文康大樓：大部分嘅設施都係哂呢到，排舞室、soc房等得
2. 三十五週年廣場：文康大樓同教學大樓嘅中間，好多同學都會係到傾project做功課
3. 教學大樓：大部分學科上堂嘅地方

樹仁地圖：

三、Hall

樹仁嘅Hall位於文康大樓，總共有14層，其中9層係女宿，5層係男宿。不過傳聞就話樹仁嘅Hall非常難Reg，就算住係長洲都未必有Offer，所以並唔係個個學生都咁好彩體驗到Hall life啦。

四、Canteen

樹仁校內只得兩間餐廳，分別係文康大樓嘅新Can同舊Can。最大分別就係新can少啲選擇，大多數人都會食扒飯。而舊Can就有得叫小菜等，兩間canteen嘅質數都差唔多。

五、2021/22 新學年安排

新學年全面回復面授教學，屆時所有本地、內地及海外學生必須親身出席課堂。

注意事項，包括：

1. 在新學年開始之前，完成新冠疫苗接種；
2. 如個人身體狀況不宜接種新冠疫苗，則定期接受新冠肺炎核酸檢測；
3. 進入校園時，繼續接受體溫測量、在公共地方佩戴口罩、以酒精搓手液潔手、與人保持社交距離，以及只在指定範圍進食；
4. 若出現受感染徵狀，盡快求診並通知學校；
5. 如校園內有人確診，積極配合緊急應變措施，直至回復正常運作。

同學有咩關於樹仁嘅問題都可以入Gööp 樹仁講瘋狂討論或者香港樹仁大學學生會 The Student Union of Hong Kong Shue Yan University留意嘅最新消息啦！

— — — — — — — — — — — — — — — — — — — — — — — — — —

想知道更多大專嘅資訊同加入大專嘅社群就㩒落呢度👉🏻https://goop.ai/