2020DSE 數學科終極懶人包(下)

FB Share

IV. 根基扎實,開始以操練鞏固

事實上每完成一個課題,即係無野要加落錯題簿嘅時候,就應該拎一份By Topic嘅CE Past Paper出黎做。唔一定要好似By Year咁成份一次過做哂,而係可以跳題做。你可以做嘅係再開多一本「錯題簿」,將你係By Topic做錯過嘅題目連同答案連同用自己文字解釋做錯嘅地方抄落去。

當你已經由頭到尾讀過一次課程範圍後,就可以係記憶仲新鮮嘅時候做有關嘅練習同埋年代久遠嘅CE By Topic或者By Year,由2000年開始做起已經好足夠。呢個時候,每次做練習嘅時候都一定要拎「錯題簿」出黎,遇到唔識嘅題目同埋特別嘅題型就抄低,而係對答案嘅時候將你錯左、中伏、同問法新穎嘅題目都抄落去。而對答案係非常重要,絕對唔可以做完練習唔對答案。你亦都可以係練習或者PP上面同螢光筆Highlight,然後本簿就係寫邊版有咩Concept係一定要記得。有關做練習嘅次序,我建議先做CE By Topic或者By Year (我當時係由2000開始做By Year),然後做坊間練習 (如Joint Us)。

V. 唔同課題嘅重心?

數與代數

呢一課係最講求基本功,首要係你要明白每種唔同function (log, trigo, exponential)等等嘅加減乘除性質,然後明白點樣運用佢地去解方程。呢一科好要求大家記熟一個固定嘅步驟去解方程,只要操練得多,知道面對唔同嘅代數你要用咩步驟,呢課對你就好簡單。記住log嘅性質同其他好唔同,要特別留意。而另外要背嘅formula都唔少,尤其是arithmetic sequence同埋geometric sequence。所以花多少少時間睇唔同題目嘅答案,了解「數學步驟」嘅變化。

度量、圖形與空間

呢一科好講大家嘅創意。因為好多時候運用Rule嘅時候必須要知道唔同線同角嘅位置同組合可以比你運用到咩rule,尤其係三角,每一條邊嘅連拉位都好重要。如果大家自認數感唔係特別強,就可以多數特別難嘅題目,你唔一定識做,但係你要知道面對一啲未見過嘅圖難形,其他人係運用左咩rule去解決問題,咁你下次面對同樣情況就可以抄人地嘅方法。咁當要你一定要反覆將每一條rule背到滾瓜爛熟,建議背默幾次。

數據處理

呢一科考緊大家嘅係細心,要知道有好多統計類題目都需要大家輸入大量數據,一禁錯訲數機就成題無分,又或者係P&C題目要大家list哂所有出現嘅組合。大家會唔會留意一啲無咁易諗到嘅case就成為攞分關鍵。所以大家溫習呢幾類題目時要多加操練,熟習一啲好易漏嘅位,而係操練嘅時候check多幾次,重覆用多幾次計數機。咁當然concept都要清,特別係probability。用多啲時間請教老師、同學,將有關concept點到你明為止,事關大部分題目都唔需要好多複雜運算,只需你要條式啱,之後就順理成章。 .

VI. 進入DSE Past Paper的最後直路

如果例如一個月後你又開始遺忘課本嘅知識,我提議可以再由頭到尾温一次你本速讀簿、課程範會同埋你嘅練習題目簿。如果你覺得自己對呢科掌握已經足夠,可以試一試挑戰DSE Past Paper,做完後繼續將題目同答案寫入「錯題簿」,而係每次做DSE Past Paper之前都將你有嘅「速讀簿」同「錯題簿」温一次,先開始做DSE Past Paper,確保你做Past Paper時候唔識嘅都係一啲你從來未做過嘅題目。

以上就係你要讀好數學必定要知道嘅計劃,記住由今日開始即刻開始精讀數學之路,係死操爛操之餘都要重溫已有知識,絕對更加令你讀數學時更有成功感,成績翻倍!

相關文章:1.2020DSE-數學科終極懶人包-上

作者:Ivan Wong 香港中文大學環球商業學學士

Instagram專頁: @freezyffgram/FB專頁:FF教室/Youtube頻道:FF教室

如果你仲想知多啲Gööp嘅討論!歡迎各位同學仔加入對話,了解更多Gööper嘅意見!

— — — — — — — — — — — — — — — — — — — — — — — — — —

想知道更多香港學生嘅社群就㩒落呢度👉🏻https://goop.ai/

Related articles

Get Gööp app to engage with your community now!

Google Play LinkApp Store Link