喺香港地作為一個大學生，真係揀咩科讀都要唸清唸楚。點解？因為一個唔覺意就會揀左大家口中嘅乞食科。今次我哋要集中討論嘅就係大學入面嘅文科人。

文科人儘管可能精通語文，深造歷史文化。但喺香港呢個咁睇重金融同商業嘅城市，文科人嘅知識同技能的確未必係各大公司需要或者著重嘅嘢。

其實唔好話老唔老闆，甚至過年嘅時候啲姨媽姑姐都會問：

讀大學？叻喎！文科。。。讀咩㗎？你第時想做作家？賺唔賺到錢㗎？

所謂文科係屬於Faculty of Art。當中包括語文學、歷史學、哲學等等嘅Major科目。其實入面都有啲幾有趣嘅Minor科目可以讀，例如Fine Arts，African Studies，American Studies，Global Creative Industries， 甚至佛學都有！所以其實都咪話唔少野可以學。

去呢個時候你通常都會有少少覺悟。咦，係喎，咁究竟我讀文科可以做到啲咩？唸到一個位，可能個人都有少少懷疑人生。

有陣時你都會安慰自己，同自己講唔好同人一般見識，諗闊啲，因為自己可以讀到心儀嘅科目(應該係)。但4年嘅大學蜜月期過得好快，臨近grad嘅文科人又好快會陷入困境: 究竟grad咗之後我應該搵咩工？又或者掉翻轉，有咩工會請我呢？

不過公道啲講句，其實行行出狀元。文科人都唔需要局限自己嘅工作行列。與其諗有咩公司會請你，你條路應該點行。倒不如增值自己，學多一兩招技能去傍身。若然搵到自己嘅工作興趣就更加perfect啦！

祝願世間上所有文科人”蒸蒸日上“

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻https://goop.ai/