你一定要知嘅5個Non-Jupas 面試攻略!

除咗GPA之外，面試都係入翻UGC不可或缺嘅一環 。GPA係面試的入場卷, GPA愈高有interview的機會愈大，有interview你有offer嘅機會就愈大。

自我介紹：

Professor係唔鐘意人背self intro，你諗吓如果個個學生都用差唔多pattern嘅自我介紹，你都好難脫穎而出，所以自我介紹個時最緊要自然，就算有啲停頓同窒都無係太大問題。想特別啲嘅可以分享一個自己遇到難題嘅經驗，顯示比個interviewer你冇放棄呢件事，反而憑著自己堅毅的意志和毅力，達到咗目標，一個短短地既經歷已經可以令你與眾不同。同埋介紹個時唔好分享啲太academic既野，一嚟係你喺personal statement 個度已經寫得好清楚，二嚟interview係想睇你係個咩人，有咩性格， 點解會適合讀呢科，你想讀大學嘅理由……，唔係想睇你讀書有幾叻。

點解你想讀我地個科？

Interview 之前記住睇熟department同major個網，如果佢問個major有咩學到， 你就可以答得翻d subject名出嚟，你答其他問題既時候又可以用翻依啲資訊嚟做例子，再link翻去點解你地咁有heart讀依科，咁你個答案就會無咁吹水feel，所以interview之前一定要做資料搜集。

時事題：

好多科都會問時事嘅問題，如果你有好多時間嘅的確可以prep定一啲當時熱門嘅時事話題，不過tip中嘅機會唔高，所以我建議大家可以準備1,2個同你in個科比較相近嘅話題，就算佢唔係問中嗰個topic，你都可以用翻入面既野嚟答。總之到時聽清楚題目，唔好離題，個面試官都唔會expect你答到啲咩好勁嘅野，正正常常甚至link得翻去in個科或者你自己就已經好好。

小組討論：

一定要積極發言，自己嘅論點最好要喺一開始就講，可以好似作文咁用topic sentence。回應人地嘅point個時唔好只講一句I agree with you，盡量加啲elaboration，甚至部分同意/唔同意其他人講嘅野都得，最重要令個interviewer對你有比較深嘅印象。

有無野問想問我地？

通常最尾professor都會問你依條問題， 而呢度往往係加分位，所以最好都要問啲嘢，可能係關於個科既野，可能係關於啱啱討論過嘅野，可以嘅話一早諗定1,2條就穩陣。

心態：

Interview個時最緊要唔好太緊張，你要話比自己聽你已經準備充足，佢問咩你都一定答到，只要你唔緊張，你嘅表演就差極有限。英文方面，對答諗到咩就講咩，最重要係流暢，表達清楚，grammar錯啲唔係好大問題。 另外，自信、淡定，最好keep住有笑容，依啲都會幫你加分。記住，interview係評你成個人，你嘅一舉一動都會係評分嘅準則。

最後，記住你有interview嘅機會代表你已經贏咗一大部分既人，所以比啲信心自己，祝大家成功上岸！