一、簡介
香港理工大學，又名理大/埋大/ Poly /紅磚大學，位於九龍紅磡，紅磡火車站一出過橋就係喇。而理大嘅建築物都係由紅色嘅磚頭構成。
理大最出名係poly三寶，即係物理治療、放射治療、同埋職業治療三大醫療科。香港醫療體系一向缺人，所以呢三科係前境出路好，未來收入可觀穩定，所以經常被人提及同吹奏為「半神科」。另外亦有人覺得係五寶，即係包埋視光同醫療化驗科學。當然poly creative media、四個design科、等創意科目都不容忽視。
二、地標/設施
Poly話大唔大話細唔細，但由於周圍都係紅磚，而且每棟大樓有好多通道連接，未入過嚟嘅的確會好難認到地方。以下等我哋簡單介紹部份熱門地標，等大家易啲認路啦！
- 火車橋：連接住紅磡火車站A1出口同Poly嘅行人天橋，繁忙時間好多人
- 尖東橋：連接住尖沙咀東部同Poly D core嘅行人天橋
- 圖書館：內設有一間24小時開放嘅溫習室，火車橋直行轉左
- M Core：李嘉誠樓，由火車橋一直行右手邊就會見到一棟非紅磚嘅建築
- VA：M Core隔嚟嘅一棟樓，Poly學生嘅地頭，SU/Soc都喺哂入面活動
- 6. 福記/印場：學生會嘅福利部同影印中心，喺VA嘅一樓
- 7. 半圓：VA一樓由唔同學會房組成嘅半圓形空地
- 8. VS：VA隔嚟嘅體育館，地下有一間Canteen
PolyU地圖：
三、Hall
理大宿舍出哂名嚴，安裝咗好多cctv，只有宿生入得。2點後男女唔可以同房，宿舍人員不可自由出入房間。不過每間Hall仍然有佢地一定嘅特色。
舊hall（紅磡）
理大嘅舊hall分別有八個宿堂，按層分唔同堂，每個宿堂嘅第一個字加埋會變成理大校訓：開物成務 勵學利民。舊Hall有Hall莊，會比較多活動
- 開元堂（17–18樓）：
畀人嘅印象就係好多人好鐘意打機，好似一間網吧。 - 物華堂（15–16樓）：
頹，Hea。另一個角度睇係夠養生，可以專心讀書同做自己喇。 - 成德堂（13–14樓）：
較多靚仔靚女嘅Hall - 務賢堂（11–12樓）：
較多活動，Chur，好玩得，洗費會大啲，有老鬼文化（有校友連結） - 勵志堂（9–10樓）：
出哂名多靚仔靚女，各大討論區經常關注，變相住得可能都有啲壓力。 - 學敏堂（7–8樓）：
唯女hall，同其他U嘅男Hall會有活動，讀書風氣好（頹/摺）。 - 利生堂（5–6樓）：
體育勁，多U team成員，同其他Hall嘅聯繫少。 - 民殷堂（3–4樓）：
近地下唔洗等lift，會分小圈子，分為四堆（四村）。
新Hall（何文田）
理大嘅新Hall喺何文田，亦係按層數分宿堂，總共6個。唔同宿堂係有唔同顏色。新Hall冇Hall莊，亦都冇濃厚嘅文化，所以好多本地生都會搶舊Hall多啲，變相新Hall多內地生。
- 紅Hall（19–23樓）
- 橙Hall（17–21樓）
- 黃Hall（12–16樓）
- 綠Hall（10–14樓）
- 藍Hall（5–9樓）
- 紫Hall（3–7樓）
住唔住Hall或者住邊個hall呢家嘢好死嘅，加上今年疫情嘅關係，同學都可以同唔同Hall嘅人傾下先再決定住唔住hall。
四、Society
每間大學都會有好多學會，而不約而同地都會有四個Soc特別出名，但原因往往不明。而Poly嘅四大Soc 分別係天文、魔術、攝影和戲劇學會。
Ocamp
Poly出哂名多Ocamp，雖然今年應該就冇得玩Ocamp啦，不過身為Poly人都一定要知嘅。
- 大O：由學生會搞嘅，識到好多完全同你冇任何共通點嘅人，即使唔同學系，唔同學院、唔同學會。
- 中O：學院嘅Ocamp，一齊玩嘅會係同一個學院但唔同學科學系嘅人
- 細O：學系搞嘅Ocamp，識嘅可能係你之後上堂嘅顆伴（如果你冇走堂嘅話）
- Hall O：宿堂搞嘅，都係識一班同你一齊住嘅理大人，通常入 Hall之後搞
- Soc O：唔同學會嘅Ocamp，可能會識到班志同道合嘅朋友，部份係Oweek先報
- 暗O：非官方嘅Ocamp，冇正常嘅途徑報到，冇咩限制，如果唔怕死嘅可以試下
五、Canteen
理大雖然喺近市區，但校園內都有唔少餐廳，仲有幾間連鎖快餐店。以下就介紹幾間理大學生必食嘅餐廳。
- 理大美食坊（舊Can）：喺Campus中心、學生會大樓地下，頹食之選，下午時段有特別供應嘅蛋撻（由美心經營，已經有學生發起罷食）
- 2.劇院茶座（靚Can）：叫得靚Can，水準同價錢當然比新、舊Can高，位於A core地下附近的蔣震劇院傍（每日12點半前食完就可以享有特價）
- Lawn Cafe（草地餐廳）：近排轉左手，冇賣清真食物，轉賣碟頭排飯
- W平台Café （舊京滬亭）：美式café，咖啡牛角包薯條，休閒西式旋轉生活。
- 5. Caffe Habitu：Campus Podium FGHJ中間，有戶外座位
- Liber Cafe：喺圖書館平台隔離，環境優美，但座位唔多，經常滿座
六、2021/22 新學年安排
• 現時回校F2F上課需要先接受注射疲苗，若無注射疫苗則要每個禮拜進行檢測。
• 大部分課堂都避免F2F形式進行。
同學有咩關於理大嘅問題都可以入Gööp理大講瘋狂討論或者留意香港理工大學學生會 hkpusu嘅最新消息啦！
