停課系列(2) — 情人節家中電影院

FB Share

停課系列(2) — 情人節家中電影院

話咁快情人就到啦,今年想同BB出去慶祝但又怕人多易染病,單身嘅你連同Best friend去戲院睇場戲都冇機會?咁今個情人節究竟有咩做?一於就留返係屋企睇電影啦,一樣都可以過一個浪漫嘅情人節!以下落嚟就推介幾套適合情人節留係屋企睇嘅電影,等大家可以同BB一邊睇一邊食情人節大餐,單身嘅你留係屋企睇戲就唔怕出去比人閃親啦。

1.《愛的過去進行式》

甜蜜指數:❤️❤️❤️❤️❤️
催淚指數:😢
劇情分:🥰🥰🥰🥰

《愛的過去進行式》係一套Netflix嘅愛情小品,改編自暢銷同名小說。套戲係講述女主角蘿菈珍有一個小習慣,就係會為每位佢暗戀過嘅男仔寫一封唔會寄出嘅情書,然後將佢嘅愛好好收藏起嚟。估唔到有一日莫名其妙地竟然所有情書都被寄到佢暗戀對象嘅手上,之後發生一連串嘅故事令蘿菈珍措手不及之餘當中亦夾雜甜蜜。第一集係上年出咗之後反應非常熱烈,除咗係講出咗單戀女孩嘅心聲,唔少人睇完都被男主角冧倒成為迷妹,而續集已經係情人節前夕係Netflix出啦。如果未睇過嘅你係情人節仲可以一次過睇哂兩集添!

Trailer傳送門:https://www.youtube.com/watch?v=I7YoApjsRjc

2.《一個巨星的誕生》

甜蜜指數:❤️❤️❤️❤️
催淚指數:😢😢😢😢
劇情分:🥰🥰🥰🥰🥰

由天后Lady Gaga主演嘅《A star is born》係一套翻拍嘅自傳,講述被埋沒才華嘅Lady Gaga遇上大明星音樂人並培養佢成為女歌手之間發生嘅愛情故事,除咗講述一個巨星嘅誕生同隕落,亦帶出咗濫藥酗酒等嘅問題。而電影所有嘅插曲都係由Lady Gaga包辦,睇完套戲再聽返啲歌都一定會回憶起戲入面嘅情節。雖然呢個唔係一甜到漏嘅愛情故事,亦都唔係一個happy ending,但當中男女主角一段唏噓嘅感情非常扣人心弦。小編係到就唔多戲透啦,有興趣嘅一定情人節一定要攬住BB一齊睇啦,因為當中可能有洋蔥㗎!

Trailer傳送門:https://www.youtube.com/watch?v=nSbzyEJ8X9E

3. 《比悲傷更悲傷的故事》

甜蜜指數:❤️❤️❤️
催淚指數:😢😢😢😢😢
劇情分:🥰🥰🥰🥰🥰

接下來就介紹返一啲華語電影,《比悲傷更悲傷的故事》聽個名就知唔係Sweet sweet嘅愛情電影,咁點解仲要介紹比大家係情人節睇呢?其實《比悲傷更悲傷的故事》又係一個虐心嘅愛情故事,當中男女主角係彼此最親密嘅朋友,同居十年相愛但卻從來都冇一齊過。男主角因爲有絕症而不敢承諾對方而甘願為對方規劃幸福,因為怕失去所以唔敢去愛。最後呢段淒美嘅愛情故事究竟有冇happy ending就要靠你地睇落去啦,唔好話小編冇提你,電影嘅戲情非常催淚,男朋友記得要拎定紙巾比BB啊!

Trailer傳送門:https://www.youtube.com/watch?v=aQSSjYm8Aws

4.《一吻定情》

甜蜜指數:❤️❤️❤️❤️
催淚指數:😢
劇情分:🥰🥰🥰

最後要介紹嘅一套電影相信大家都會聽過甚至睇過,無論係電視劇或者漫畫都係非常受歡迎。《一吻定情》就係漫畫《惡作劇之吻》嘅電影版,江直樹同袁湘琴嘅故事我都未必需要我多講啦,由單戀到相戀嘅故事都係咁甜蜜。而中文版嘅電影係由王大陸同林允主演,淨係講顏值都已經好值得睇啦~電影係喺上年嘅情人節上映嘅,未睇過嘅你地今個情人節睇返就啱哂啦!

Trailer傳送門:https://www.youtube.com/watch?v=v83eWfZp_cE

#情人節有咩做 #睇戲 #武漢肺炎

如果你仲想知多啲Gööp嘅討論!歡迎各位同學仔加入對話,了解更多Gööper嘅意見!
— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻https://goop.ai/

Related articles