你知道呢4大Asso/HD 讀書攻略

FB Share

你知道呢4大Asso/HD 讀書攻略嗎?

入U攻略

心態:要堅定!唔好受人影響,一月至四月依段期間,你要預身邊好多同學收到offer喺度開心周圍慶祝。嗰種又萄葡又擔心自己冇offer嘅感覺係好辛苦,但你一定要做好心理準備,唔好比佢地影響到你讀書嘅心情!

報 Non-Jupas:切忌太過進取!曾經有人爆4但最尾一個offer都無,聽返原來佢所有U都報曬啲好難入嘅科,所以如果你真係想入返U,讀咩科係次要嘅話,最好全部U都報曬,就算你心頭好冇offer都會有個plan B墊住。仲有,千其唔好限死自己一定要報某個範疇嘅科,無理由限死自己攞咩offer㗎ma。

Reference letter:如果你諗住報三大,reference letter真係唔少得!無可否認non-ju其實好多時候都係靠關係,我都聽唔少話programme leader同大學嗰邊professor熟嘅話會收多啲嗰科嘅學生。依啲傳言真定假無從考究,但至少你同HD/ASSO 嘅lecturer打好關係拎reference letter點都易啲。專登去刷鞋依d就唔建議大家做,不過你落堂問多啲問題,同lecturer有face-to-face嘅互動,咁到時你叫佢地寫reference letter佢都知你係邊個,可以寫到多啲person-specific嘅嘢,相比用啲好general嘅句式去寫嘅效果差好遠。同時你又可以問清楚d concept,甚至拎到關於第時出嚟搵工嘅tips,何樂而不為?

讀書Tips

溫書方法:每科嘅出題方式都唔同,除咗lecture handout之外,要習慣上網再搵多啲料,HD/ASSO 好多時候handout都淨係俾個term同definition你,但係就得好少例子,所以最好就要自己google吓額外嘅,理解下點樣apply個concept落唔同情境到,咁樣就算lecturer出卷出到好tricky都好你都會易啲應對。

清concept:一遇到有咩唔明嘅,記住落堂即刻問或者send email問。記住,大專唔同中學,你唔明無人會知更加無人會理你,繼績拖落去嘅話,你到溫mid-term同final嗰陣一定會好痛苦,正所謂「sem頭不努力,sem尾徒傷悲」。唔好以為自己最尾會搞得掂,啲野唔會無啦啦叮一聲明咗,好多時候到你認真溫嗰陣就會發覺諗極都唔明,到時你溫書嘅動力同效率就會大減。所以有咩唔明,一定要日日清!

英文:一定係asso入面最重要嘅一環,大家都知入得嚟嘅英文都唔會話好勁,所以只要你肯努力d操好自己嘅英文,自然可以脫穎而出!上到u亦都會輕鬆唔少。除咗reading 同writing之外,大家一定唔可以忽略speaking,因為大部分嘅interview都會用英文進行,而且入到u都成日要講英文,所以平時做曬assignment,得閒嗰陣可以上網搵多啲informal常用嘅句式練下。BBC Learning English會係一個唔錯嘅選擇,可以幫大家打翻好個英文底。仲有一個叫 Voicetube 嘅網可以一次過訓練曬聽,講同閱讀,依個網會幫d youtube片加字幕,睇到唔識嘅字可以即刻查字典,仲有oral練習比你錄音聽翻自己講成點,用輕鬆生活化嘅方式嚟進步英文。

專心:如果大家發覺自己成日都專心唔到溫習,不彷可以用吓d study app, eg focus timer,佢會計住你嘅溫書時間,再係溫咗一段時間之後比個短break你,令你更加專心溫書得嚟又有得休息,溫書嘅效率自然會大大提升!

如果仲有咩問題,可以去gööp嘅'升學講'問已經上咗岸嘅師兄師姐意見,仲可以同一班同路人交流心得!

希望依篇攻略可以幫到大家上岸!

相關文章