Gööp民調(7) — 校園設施

FB Share

Gööp民調(7)-校園設施

香港多間大學近年計劃翻新或擴建主校園,為求提供更充滿活力嘅校園環境供學生使用,幫助學生發展個人潛能。係擴建校園設施前,校方應該先了解生真正所需要嘅資源,增繕校園設施,學生先可以享受大學生活,所以Gööp特意做咗一項民意調查,睇下究竟依加大學生最需要嘅係咩校園設施😎?

樣本資料:

  1. 調查日期:2019年11月4日至11月10日
  2. 調查方法:經由Gööp網上平台收集意見
  3. 調查對象:香港大學生
  4. 成功收集樣本數目:2139票

民調結果顯示,有接近四成半(43%)嘅香港大專生認為香港嘅大學最缺乏嘅設施係宿舍。餐飲設施(26%)則名列第二位最缺乏嘅校園設施。公共空間(11%)則排第三位。其餘設施包括運動設施及交通設施各有7%嘅投票率。另外,教學設施、研究設施及網上平台則各佔2%嘅投票率。

精選討論1

調查結果顯示,香港大專生(43%)認為依加最缺乏嘅設施係宿舍。同學認為大學嘅宿位唔單只係提供俾香港嘅學生,仲要提供俾外地留學生。呢個情況可能係其中一個原因,導致大學宿舍不足嘅問題。同學表示宿位不足嘅問題,令住得離學校較遠嘅學生造成困擾。有公開大學嘅同學指出,學校連一間宿舍都冇,希望校方會盡快建設學校宿舍。

精選討論2

同學認為除咗增設學校宿位之外,學校嘅餐飲設施都係需要改善。從同學嘅討論中可知,大學缺乏餐飲設施並非指學校冇飯堂冇餐廳,而係食物質素參差同選擇種類單一,導致學生無從選擇。同學仔指出大學裡面既餐廳大多數都係一啲連鎖店或者由飲食集團攏斷。例如:大家樂、Starbucks、美心MX,等餐廳。加上近日嘅社會運動影響,社運人士發起「罷食藍店」嘅行動,令不少參與社會活動嘅大學生嘅選擇少之有少。除此之外,有部份香港嘅大學位置較偏癖,外出食飯需要用好多時間,只可以留係學校餐廳食。由此可見,校方需要提升學校餐廳質素,符合學生嘅需求。

精選討論3

如果你仲想知多啲Gööp嘅討論!歡迎各位同學仔加入對話,了解更多Gööper嘅意見!

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻https://goop.ai/

相關文章