作為一個啱啱U grad嘅小編，好容易就會成日想回到過去〜〜

因為做學生哥嘅生活真喺又寫意又好玩，

可惜人始終都要大個，往事亦都只能回味。

小編好幸運，中學同大學生涯都各有一段美好回憶

但當中有啲事你肯定係中學會做 入到U就唔會再做！

入嚟睇下有無你嘅影子啦！

(一). 小食部打尖 全因有高Form光環

我相信，過往既你地都會因為小息太多人係小食部排隊所以做左啲大蝦細既行為~ 小編嘅中學回憶入面，高form特別有條第三通道買嘢食，亦都即係打尖！但最好笑嘅喺低年班嘅師弟係會好和諧地讓左俾我地買先，而小食部姨姨都會好樂意賣俾我地先嘅～ 相反，如果喺一個低Form打尖，姨姨係會叫佢再排過架！呢件事就算宜家大個諗番起都覺得好有趣，因為入到大學讀書你就唔會再做，事關你一做 可能就會連登見㗎啦。

（二） 為自己學校出戰學界既使命感

中學嘅時候，成日都會有校際嘅運動比賽，當中籃球就最吸睛，當着住自己中學件波衫同人哋打比賽，好自然就會有一種使命感 希望為學校為隊波贏到每一場比賽，去到高Form嘅時候，甚至會因為要考公開試冇得打而唔開心，明嘅，畢竟球隊嘅隊友喺中學生涯呢六年一齊打波嘅波友，點都會有啲唔捨得。到大學嘅時候，想打校隊先發現，原來大家嘅水平已經差太多，就算想搵返舊波友放假打下波，大家已經好忙，再約出嚟都好難了。

（三）中學時期 對讀書特別認真

對於呢一點，唔知大家係咪同小編一樣 覺得中學嘅自己，先係最勤力讀書呢？ 考試測驗都會溫左書先再考，覺得DSE就喺人生最重要嘅一埸考試。相反入到大學就越嚟越懶，大考前一日先會拎晒啲notes嚟溫，當然我相信唔係每一個同學仔都係咁嘅 ，但GPA對我如浮雲嚟講，大學生活絕對係比中學Hea幾倍，不過可能係因為中學有好多同學陪你一齊努力所以對讀書特別認真，但去到大學，自律就相對比較重要，溫書做功課好多時都要靠自己，遇着唔會幫自己嘅groupmate，就要諗下計仔啦！

（四）中學返早八無難道

對於宜家讀大學嘅同學仔嚟講，應該好有共嗚啦！事關就算返九點半我哋都情願訓耐啲走堂都唔會特登返去上堂~ 邊似得細個咁樣，八點前就要到學校，仲唔會成日遲到添！唔好賴大學同屋企距離太遠啊，畀埋hall你住咪又係唔返〜無人督促自己難免會有惰性嘅，我們都回不去了（老）。

— — — — — — — — — — — — — — — — — — — — — — — — — — — — —

想知道更多大專嘅資訊同加入大專嘅社群就㩒落呢度👉🏻https://goop.ai/