武漢肺炎疫情日趨嚴重🦇，截至今日(10)香港已經有36宗確診個案。香港更出現防護物資短缺，搶購口罩、消毒藥水嘅慘況😷。除此之外，醫管局員工陣線亦因政府拒絕「封關」，發起階段性罷工行動。你認為邊嗰要為香港人要面對呢種種艱辛時刻負上最大責任呢？
樣本資料:
- 調查日期：2020年2月3日至 2020年2月10日
- 調查方法：經由Gööp網上平台收集意見
- 調查對象：香港大專生
- 成功收集樣本數目：2439票
民調結果顯示，有超過五成(56%)嘅大專生認為中國共產黨應該為「武漢肺炎」負上最大責任。其次則為香港政府，有約四成嘅大專生認為政府應該為「武漢肺炎」負上最大責任。其他選項分別有武漢人(3%)、病毒(3%)、蝙蝠(2%)、香港市民(1%)、醫護人員(0%)，醫管局(0%)。
「武漢肺炎」是一種新型冠狀病毒引發嘅大規模傳染疾病。有大部份嘅大專生認為中國共產黨應該為「武漢肺炎」負上最大責任。事實上，喺「武漢肺炎」病發初期，中國武漢市中心醫院眼科醫生李文亮曾經揭發過今次大規模傳染疾病嘅情況，但就遭到公安訓誡，事後佢更因為感染新型冠狀病毒逝世。不論係中國人民或香港人都斥責中共同官員只會掩蓋事實。若果中共冇掩蓋疫情嘅真相，提早封城盡量減少人口流動範圍，並教育國民提高衞生意識，今次感染大規模傳染疾病嘅人數會唔會大量減低。
全球被「武漢肺炎」入侵，社會上瀰漫一股恐慌情緒，市民紛紛搶購日用品同糧食。喺呢個嚴峻時期作為一個地方領袖應該要展示個人能力，並帶領大家走出困局。可惜香港特首林鄭月娥似乎未能帶畀香港市民穩定的信心。直至現時，政府重未實施到大部份香港市民要求嘅「全面封關」。其後，林鄭又指政府嘅口罩採購工作「不太成功」，更一度對各政府部門下「限罩令」。林鄭又指醫護罷工嘅做法係「用極端手段威逼政府，對公眾利益有害，絕不會得逞」。即使上前線嘅醫護人員都冇合標準嘅醫護裝備，試問係政府自私或是醫護自私呢。喺香港並未出現大規模社區爆發疫情時，從源頭堵截病源流入本應該係有效嘅方法，但政府從未「全面封關」，因此香港政府都應該為「武漢肺炎」喺香港擴散嘅責任。
— — — — — — — — — — — — — — — — — — — — — — — — — —
如果你仲想知多啲Gööp嘅討論！歡迎各位同學仔加入對話 ， 了解更多Gööper嘅意見！
