Zoom四大隱藏功能 — Prof.會知你掛機？
上一篇同大家講完Zoom嘅隱藏功能之後反應非常熱烈，睇嚟大家除咗上堂成日唔記得熄咪之外都未必好熟悉Zoom上嘅功能。今次就嚟個終極篇，教大家用一啲收得好埋嘅隱藏功能同埋有咩伏位啦！
1.注意力追蹤
注意力追蹤功能係如果會議參加者超過30秒未聚焦Zoom，主持人就會喺會議參加者面板中見到一個指示符。咁咪即係上緊堂掛機做緊其他運動都會比professor知道？而且主持人係可以令會議中帳戶中所有用戶都強制執行，而要設定呢項功能就要係Zoom嘅website入面設定。不過呢個功能只限於4.0或更高版本嘅用戶，唯有希望professor未update最新版本或者睇唔到呢篇文章啦！
2.模糊 iOS 工作切換器上的快照
呢項功能嘅特別之處就係當你cap圖或者係會議中share content比人嘅時候就會blur咗Zoom入面嘅資料。雖然Zoom入面都冇咩嘢唔比得人睇，不過小編就覺得呢個功能都幾user friendly，有時答問題要共享螢幕比全班睇嘅時候都唔洗驚比人見到私訊對話啦！
3.透過電話加入會議
有時出咗街又要上堂但唔夠數據？原來Zoom可以透過打電話嘅方式加入會議。只要打上指定地區電話號碼，輸入Meeting ID就可以要求加入會議。如果會議設有密碼，就要喺打通電話之後再輸入數字密碼，咁就可以唔洗用數據都可以上到堂㗎啦。
4.解除靜音
相信大家都唔想上上吓堂聽到有背景音樂嘅，但係原來就算喺加入會議前熄咗咪，主持人都可以全體解除靜音，即係professor大哂！當professor要你答問題嘅時候係有權開你咪，所以話幾時上堂嘅時候都要專心唔好做其他嘢，唔係好易出事㗎嘛！
即刻入Gööp討論更多有關Zoom嘅話題！
2. https://hk.goop.ai/topic/ucnD/入嚟放低用zoom發生既趣事
相關文章：
https://goop.ai/blog/58yu/5大-Zoom-隱藏功能
— — — — — — — — — — — — — — — — — — — — — — — — — —
想知道更多大專嘅資訊同加入大專嘅社群就㩒落呢度👉🏻https://goop.ai/
