好多時聽到傳理呢個名,同學仔都未必清楚傳理其實要讀啲咩,
仲誤以為傳理係一定係做主播同記者,咁諗你就大錯特錯啦〜
等小編話你知,讀傳理可以有邊啲既出路啦!
1.「你第時係咪會報新聞㗎?」
讀傳理出身既小編認為報新聞同埋跑新聞都只係其中一條出路,
而事實上,傳理畢業既學生只有好少數係從事新聞或者記者行業,
入行率偏低,全因為收入和付出都唔成正比。
當然,都會有懷住滿腔熱血既師弟妹入呢一行,不過長做既人幾乎無。
‘根據香港記者協會2016年的一項薪酬調查,以問卷方式訪問四百名新聞工作者,其中低於四年年資的受訪者,佔比例為46%。行內人總說,三年一代,五年是大限’。
但假如你真係好想做綵訪工作或者做記者,都可以襯Freshgrad入去體驗下,
始終呢個行業既收入唔多,但一定會比起其他工作見識得更多。
2. 「呢科行業好窄咋喎…」
話呢科行業窄既人肯定好唔了解Commu呢科讀既嘢係有幾廣泛,無論係剪片拍片,公關廣告甚至係寫作都係傳理人係大學四年學到既實用技能,讀傳理系畢業嘅同學仔搵工亦十分多元,更加有優勢,例如從事新媒體行業,可以做Content Creator或者Copy Writer,illustrator ,都有電視台做編劇PA等等,亦有唔少同學仔會去其他公司做PR,做廣告,因為讀得呢科既人,想法都係比較天馬行空同有無限創意,所以讀Commu唔單止出路多仲好多嘢學同玩!
3. 「讀傳理口才係咪要好好㗎?」
小編識好多同學仔都係口才麻麻,但後製同創作方面又相當有才華,所以唔洗擔心,就算係讀傳理我地都有細分唔同既崗位。即使畢業,我地都唔難見到各行各業都有我哋嘅人 ,口才了得嘅同學仔,就會去一啲新媒體嘅公司做主持或者拍微電影甚至從事相關媒體行業,相反都會有同學仔去做燈光師收音或者係後製,各司其職。
讀傳理既你地,如果啲人話讀你哋嗰科搵唔到食喎,
記住同佢哋講 我大把嘢撈!!
— — — — — — — — — — — — — — — — — — — — — — — — — — — — —
想知道更多大專嘅資訊同加入大專嘅社群就㩒落呢度👉🏻https://goop.ai/