Gööp 民意調查報告(3)-香港大專生嘅對於生小朋友睇法

FB Share

有人認為有自己嘅下一代先係一個完整嘅家庭;又有人認為學子華神話齋:「為咗下一代,唔好有下一代! 」即使未到適婚年齡,相信唔少年輕人都會同朋友或者另一半傾過呢個話題,所以Gööp 特意做咗一份有關「生BB」嘅民意調查,了解下香港嘅大專生嘅對於生小朋友有咩睇法啊。

樣本資料:

  1. 調查日期:2019年10月07日至10月13日
  2. 調查方法:經由Gööp網上平台收集意見
  3. 調查對象:香港大學生
  4. 成功收集樣本數目:1851票

民意調查結果:

民意調查結果顯示,四項選擇當中,香港大專生選擇唔會生育下一代嘅比率係最高,佔近三成半(34%) 嘅票數。有超過三成(31%) 嘅同學仔認為係現時 嘅階段,仲未決定到生唔生小朋友啊!

相反,香港大專生表示會生育下一代嘅比率係最低,則不足兩成(17%)。而表示會生小朋友,不過唔會係香港生嘅香港大專生就佔18%。

民意調查分析:

分析完各位同學仔嘅討論後,經濟問題係令香港大專生唔想生小朋友(34%) 嘅主要原因。社會俗稱呢類人係患咗「社會不孕症」。患咗「社會不孕症」 嘅人係因為受到財政壓力、居住環境差,生活成本高等等嘅因素而選擇唔生小朋友。喺討論內容可見,同學仔大多數都認同冇足夠嘅經濟能力都唔會生小朋友,生出嚟只係害咗個小朋友,同時自身都會有好大壓力。

另一方面,我哋發現香港大專生會生育下一代(17%)嘅主要原因係想保留「香港人」嘅血脈。即使香港正處於一個混亂嘅時勢,香港人更加應該要生育下一代,向下一代灌輸香港人嘅價值觀,咁先可以承傳香港人嘅文化同思想,同時避免被其他民族入侵香港嘅文化。

我哋仲發現同學仔會生小朋友,但唔會係香港生(18%)嘅原因係認為香港嘅環境唔適宜生小朋友。同學仔表示:「無論香港社會嘅風氣同制度都唔適合小朋友生活」,小朋友唔係為咗社會抗爭先出現,咁做係一個自私嘅行為。而認為係現時嘅階段,仲未決定到生唔生小朋友既同學仔(31%)表示,依加 嘅政局令到同學仔處於一個兩難嘅局面,所以暫時無辨法做決定住。

如果你仲想知多啲Gööp嘅討論!歡迎各位同學仔加入對話,了解更多Gööper嘅意見!

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻https://goop.ai/

相關文章