大學上莊知多啲(1)

FB Share

正所謂一年容易又上莊~Sem2 開學又係上莊嘅季節啦!

好多人都會問究竟點解要上莊,上莊究竟係做啲咩嘅呢?

其實係大專院校嘅「莊」即係指「某學生會/組織幹事會內閣」,

組莊上莊之後就會舉行唔同嘅活動比會員參加,

上莊貴為大學必做嘅五件事,當然仲有好多趣事同術語等等啦。

話說其實小編當年青春少艾嘅時候都有上過莊,今次就同大家講下大學上莊宣傳期會做嘅四件事啦!

(一)Dem Beat

我諗大部份大學生對於Dem beat都唔陌生,除咗喺Ocamp嘅時候會Dem beat之外,喺上莊嘅宣傳期有啲莊都會Dem beat宣傳,又稱為嗌莊。通常都會係學校最多人嘅時候出嚟Dem beat,目的就係吸引更多人留意到佢地,同埋宣傳一下佢地支莊嘅特色同來年目標。就好似當年中大嘅和聲Beat咁,除咗吸引到中大嘅朋友仔留意佢地之外,幾乎全港嘅大學生都睇過佢地Dem beat,仲啷啷上口添。不過唔知上莊嘅同學仔過多幾年睇返自己嘅Dem beat片會有咩感覺呢。

(二)諮詢大會

通常所有候選內閣都會喺宣傳期間舉行諮詢大會,比所有會員同學生資詢每支莊嘅來年計劃同對佢地喺宣傳期嘅表現比意見。唔同學校亦有唔同叫法,例如KongU嘅諮詢大會叫campaign,有啲學校亦會叫con day。Con day嘅特色除咗係候選莊員通常會著哂西裝排排坐喺到之外,每年嘅con day都會有好多「老鬼」返嚟教導下莊。就好似幾年前城大嘅「反檯」事件咁,「老鬼」上莊爆粗鬧新人莊員,亦都有啲莊嘅con day會去到零晨甚至喺24小時,涼又冇得沖,教又冇得訓,仲要比人鬧添。呢種上莊文化可能就未必個個同學仔都接受到啦。

(三)擺Booth

每逢一到宣傳期學校campus都會變到好「墟冚」,各個候選內閣都會擺booth,甚至整啲大型decoration吸引同學仔停底留意佢地,又會叫口號等等,真係好熱鬧㗎。各支莊雖然實質上就係各自各宣傳,但係暗地裡可能都會鬥邊個啲deca整得大整得靚,總之夠吸精就係宣傳期嘅羸家啦!

(四)派Souvenir

話明宣傳期,就梗喺會派下leaflet同souvenir去俘虜會員嘅心等佢哋投票比你啦。小編所讀嘅大學喺宣傳期候選內閣除咗會派leaflet介紹每位莊員同理念,仲會喺朝早派下嘢飲同小食,燒賣魚蛋糖水等等,豐富起上嚟嘅真係可以連早餐都慳返~至於souvenir方面,常見嘅souven就有單行紙、file、筆等等。亦有啲候選內閣會design tote bag、電腦袋等等,都係以實用為主。而小編收過最有創意嘅souven就係開瓶器啦,所以話每支莊為咗喺宣傳期突圍而出真係會出盡法寶㗎!

如果你仲想知多啲Gööp嘅討論!歡迎各位同學仔加入對話,了解更多Gööper嘅意見!

— — — — — — — — — — — — — — — — — — — — — — — — — —

想知道更多大專嘅資訊同加入大專嘅社群就㩒落呢度👉🏻https://goop.ai/

Related articles