商科人之苦…讀商科一定遇到嘅

FB Share

商科人之苦…

讀商科一定遇過嘅3個情況!

@mentatdgt

好多人都會覺得一般BBA畢業生前途一片光明,一出社會工作幾年就會年薪過百萬;又有人會覺得商科唔喺專科,讀嚟有咩用,有咩前途啊?其實好多人都唔太理解商科喺要讀咩,相信讀商科嘅你哋對以下既情況一定會有同感!

bruce mars

1.你畢業後唔喺金融才俊都一定喺自己做老闆啦!

每逢過時過節見到親戚嘅時候,一定會有啲親戚特別關心你!會問你讀咩科啊,第時想做咩,等等嘅說話。一聽到你話讀商科就會話:「 叻仔喎!第時一定喺金融才俊啦!」、「喂!世侄買邊隻股票好啊,到時有咩內幕消息提下我啊!」又或者會問:「第時想開咩公司啊?」、「喂!創科好啊!」。但其實商科並唔係得金融㗎,仲有Marketing、 Economics 、Human Resources,Accounting 。讀企業管理唔係就一定開公司㗎,你估管理一間公司靠一個學位就搞得惦咩,仲要考量投資風險、營運資金、行業前景,等等嘅準備工夫。

2.吓!商科唔係專科嚟,有咩前途啊!

相信讀商科嘅人,一定最唔鍾意聽到人哋講吓商科唔喺專科,第時無前途啊!尤其Major喺讀Marketing嘅同學仔啊,係咪成日都會聽到呢句說話:「Marketing!吹水科!廢嘅!係人都讀到啦…」的確多數嘅商科課程都唔係專科,但係如果單純為咗「錢途」嚟揀科,未免會失去學習嘅趣味。有時候揀科唔單只係會考慮前途,仲會考慮埋自己嘅興趣同性格。正反謂:行行出狀元!只要有心對你做嘅行業有熱誠,有僮景都可以打出一片天!

austindistel

3.讀BBA 咪好Presentable!

讀BBA既你一定遇過唔少人問你係咪成日要Present?咁你第時出嚟做嘢, 同啲客Present都唔驚啦。讀BBA既學生的確係有多啲機會做Presentation,係可以訓練到演講嘅能力。不過說話技巧呢啲都喺因人而異,唔係每個人都適合喺一大班人面前演講。其實讀BBA唔係淨係要做Presentation,都要應付其他Assignment同考試㗎!讀BBA唔喺齋吹水㗎,要靈活識變通,唔係點跟得上呢個發展迅速嘅商業環境呢?

每個學系都有特別之處,其他人點講都唔需要太在意,最重要喺搵到你適合同鍾意嘅學科!亦都唔需要俾世俗嘅眼光局限自己嘅發展。下次遇到呢啲情況你都知點樣答佢哋啦!希望所有商科人都可以揾到屬於自己路線!

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻https://goop.ai/

Related articles

Get Gööp app to engage with your community now!

Google Play LinkApp Store Link