Gööp 民意調查報告(1)-林鄭月娥的「社區對話」?

FB Share

自九月頭開始,香港行政長官林鄭月娥就表示希望喺社區同大眾展開對話。希望邀請唔同立場,唔同階層人士參與,為香港解決困局。所以Gööp 特意進行咗一份有關「社區對話」嘅民意調查去了解下同學仔嘅諗法。

樣本資料:

  1. 調查日期:2019年9月23日至9月30日
  2. 調查方法:經由Gööp網上平台收集意見
  3. 調查對象:香港大學生
  4. 成功收集樣本數目:1,269票

民意調查結果:

Gööp 「社區對話」民意調查始結果

首先整份民意調查提供咗五個唔同程度嘅選擇俾大家揀願唔願意同特首展開對話。民意調查結果顯票,超過一半既香港大專生都表示唔願意同特首林鄭月娥展開對話啊,當中有46%嘅大學生表示非常唔願意同林鄭進行對話。相反,表示願意同特首林鄭月娥展開對話嘅香港大專生係不足兩成半(23%),當中有12%既大學生係表示非常願意同特首林鄭對話。對於「社區對話」冇任何意見嘅香港大專生就佔20%

民意調查分析:

睇完各位同學仔嘅討論後,我哋發現香港大學生非常唔願意(46%)同特首林鄭展開對話嘅原因係對於林鄭所講嘅「社區對話」存有疑問,更唔清楚對話嘅主題同埋係以咩方式進行同對話。有學生亦表示對政府嘅意見就係五大訴求。政府應先達到呢五個訴求,先再同市民展開對話,唔係只單靠對話都平息唔到民怨。

投票願意去同特首林鄭展開對話嘅同學仔大致上認為參加「社區對話」都冇咩壞處,因為可以聽下特首林鄭會喺對話過程講啲咩,總好過係由「藍絲」發表言論,而無辨法向政府表達到主流民意。值得一提嘅係,投票願意去同林鄭展開對話嘅同學仔都係堅持住「五大訴求,缺一不可」呢個信念。

同學仔精選討論精華:

以下係更多嘅香港大學生既討論精選!歡迎各位同學仔加入對話,了解更多Gööper嘅意見!

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻https://goop.ai/

相關文章