ASSO/HD/大學生去exchange/海外升學必睇IELTS應試攻略

FB Share

買咩參考書好?

坊間好多IELTS嘅參考書同past paper,past paper嘅價錢會比較貴同埋佢每本只有4 set,可以試吓搵網上嘅source,始終past paper最貼近實際考試嘅試題,報考之後機構都會提供類似嘅練習題。而坊間嘅參考書個價格就會比較平,我自己就推介一本叫IELTS trainer嘅書,入面有六set練習,全部都有參考答案,而且佢每一份卷都會有教你唔同嘅skills,價錢亦都唔算貴。

分卷攻略

  1. Listening

依份卷個人認為係最簡單嘅,目標應該係滿分,只要有一定既英文底,做得多就會有唔錯嘅成績。佢每一part之前都會有時間比你睇題目,依個時間你應該睇吓每條題目嘅關鍵字,估吓佢要咩類型嘅答案(eg.日期,時間),聽到聲帶入面相關嘅字個時就可以即刻搵到答案。做完之後會有時間比你對答案,最主要都係睇吓有無串錯字,剩低嘅時間你就可以睇下一part嘅題目。要注意嘅係地圖題,因為係咁多個題型之中最難最混亂,可以搵多啲依種題型嘅練習去做。

2.Reading

先快睇一次題目,最緊要確定佢有無問每段嘅大意。之後就逐段睇,睇完一段就答翻相關嘅題目。如果係true/false/not given或者MC題,要先搵題目入面嘅關鍵字,就睇吓你啱啱睇完個段有無類似嘅意思嘅句字或者同義詞,搵到基本上個答案就喺附近。

3.Writing

Part 1嘅話最緊要係做熟每一種圖表,記熟要用咩字去形容啲趨勢同比較唔同嘅data。Part 2就做曬議論文個結構,基本上佢問嘅issue都唔會太難,最緊要係清楚表達自己嘅立場同推論。

可以嘅話就搵人幫你改,無嘅話就自己睇翻自己篇文有無錯grammar、有無成日用相同嘅句式同生字。同時要參考佢比嘅範文,學吓入面嘅用字同結構,有時間嘅係網上搵多啲常用嘅同義詞同句式,記住vocab唔駛用好難嘅字,相反你識用更多嘅同義詞會更理想。YouTube上面都有好多片教你點樣可以係writing到拎高啲分,不妨參考多啲。

4.Speaking

Speaking如果有friend一齊考嘅話可以互相問大家問題,再聽返對方有咩可以改善,甚至學吓對方嘅優點。如果無嘅話就可以自己錄音再聽翻,聽吓自己有無錯grammar或者用同一個vocab好多次,再錄多一次去改善返自己嘅問題,網上都有好多示範片段比大家參考。Speaking最難嘅地方係個考官問你問題之後你要即刻好自然咁答,所以最好睇多啲pastpaper嘅題目。考試個陣如果有啲唔順甚至講錯咗記住唔好停咗係到,繼績自然咁講落去,做到嘅即刻改翻自己錯嘅地方都會係加分位。

計時做!

因為IELTS嘅每份卷時間都好緊迫,時間管理好重要,計時做就可以知道自己每個part要用大概幾多時間,用得多咗嘅之後就可以重點去改善。同埋計住時間去做會比到你同真實考試一樣嘅心理壓力,咁你到時就唔會因為時間緊迫而恰場從而確保你有理想嘅表演。

總括而言,IELTS嘅難度同DSE唔係差好遠,但係形式同評分標準就有較大嘅分別,只要做好準備,你就可以考到滿意嘅分數!

Related articles