Gööp 民意調查報告(5)-2019施政報告

FB Share

Gööp 民意調查報告(5)- 2019施政報告

2019施政報告新鮮出爐!行政長官林鄭月娥指施政報告裡面,有多項針對社會唔同人士嘅紓困措施。作為未來香港社會嘅主人翁,對於呢份施政報告一定有唔同嘅意見,所以Gööp特意做咗一份民意調查,探討2019施政報告邊一項政策係令香港嘅大專生受惠!

樣本資料:

  1. 調查日期:2019年10月20日至10月27日
  2. 調查方法:經由Gööp網上平台收集意見
  3. 調查對象:香港大學生
  4. 成功收集樣本數目:1037票

民意調查分析:

民調結果顯示,有接近七成(68%)嘅香港大專生認為2019嘅施政報告對自身係冇好處。另一方面,有少部份嘅香港大專生認為能受惠於以下嘅政策。包括11%其他政策(青年宿舍/遊樂設施/體育)、8%房屋政策、5%教育政策、4%交通運輸政策、2%醫療政策、1%社福及勞工政策,1%土地供應政策及1%保安政策。

如果你係香港行政長官,你又會係2019實行咩措施去幫助香港各界人士呢?

精選討論精華

除咗五大訴求外,同學仔都係幾方面提出唔同嘅建議。喺遊樂及體育設施方面,有同學仔建議政府應該蓋建多啲室內體育館,加強監管預訂場地嘅條款,減少「炒場」嘅情況,令真正想做運動嘅人受用。喺醫療方面,同學仔就未有提出政策,但就建議政府應該監管警察嘅防暴武器,減低催淚彈對市民造成嘅身體影響。有同學仔亦認為自己唔係施政報告嘅受益人,寧願政府派錢,呢個做法會比起現時實行中嘅政策更實際。係社福方面,有同學仔認為政府應該推行更多措施,幫助大學生同岩岩投身社會嘅人士。

如果你仲想知多啲Gööp嘅討論!歡迎各位同學仔加入對話,了解更多Gööper嘅意見!

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻https://goop.ai/

相關文章