大學生出池方法大全

FB Share

我哋最近喺hku talk同埋Gööp U-Life到做咗一個關於出Pool嘅民意調查,結果發現有超過六成l嘅受訪者都喺單身,所以我哋希望做個出Pool小整合,幫助大家增加出pool嘅機會!

校內出pool方法

1. 住hall

Hall入面有好多活動比你參加,例如有Oweek俾Freshmen認識新朋友、 Hall Hunting、 Group Games、又有唔同嘅球類比賽,就算你幾摺都好都會識到異性。大時大節嘅時候又可以參加Hall嘅搞節日派對,係濃厚嘅節日氣氛底下,出Pool嘅機率一定大大提升!每嗰Hall都有唔同嘅宿堂文化,記得要根據自己嘅性格揀一個啱自己嘅Hall,咁就容易啲遇到志同道合嘅伴侶啦!

2.上莊

上莊之後你會同莊員一齊做莊務、捱通頂、搞ocamp。你會投放好多時間喺支莊到,同莊員日對夜對,為同一個目標努力,慢慢就會日久生情。不過莊內戀嘅結果都好兩極,因為分手嘅時候少不免會影響成支莊,所以大家發展莊內戀前要諗清楚,同好好維護你嘅愛情啊。

3.參加Soc嘅活動

大學入面有好多唔同嘅Society。除咗普遍學校都有嘅球類學會,大學仲有更多學會俾大家參加。例如:電影Soc、動漫Soc、攝影Soc、行山Soc、Band Soc、Dan Soc,等等。參加唔同嘅Society,可以識到唔同background嘅人,擴大自己嘅社交圈子,而且活動場合會比較輕鬆。大家有共同興趣就自然會有共同話題,咁就唔洗突登諗話題,同咁明顯比你心儀嘅對象知你對佢有意思,可以一步一步建立關係,有唔少人都係Society到識到另一半㗎。而且拍拖最怕同另一伴冇共同興趣,熱戀期後就好容易分手。大學有咁多學會可以參加,就唔怕搵唔到啱Key嘅另一伴啦!

4.Exchange:

Exchange通常都會有一班香港人去同一間U exchange。大家除咗可以去其他國家生活,仲要喺嗰幾個月互相照。喺Exchange嘅過程,你可以更加了解每個人嘅特質同性格,發現其他人嘅生活習慣同處事手法,因為Exchange唔單只喺學術交流,連生活大小事都要自己負責,好似買餸煮飯洗衫都要一腳踢,但往往喺呢啲時候,你會發現到身邊嘅同學,溫柔細心嘅一面。同時,外國有唔少以浪漫聞名既景點同約會好去處,喺呢啲咁浪漫嘅環境下表白,有邊嗰會拒絕啊!大學仲有好多短trip比大家參加,都喺識人既好機會啊!

5.用Gööp:

好多人喺現實生活中都唔敢去主動認識新嘅朋友,所以透過交友apps都喺一個好嘅渠道去認識朋友。喺Gööp傾計,唔需要有公開嘅icon,只喺用一個Emoji去代表你同其他人傾計。咁就唔洗擔心私隱問題,所以大家要盡量避免直接問人拎Contact啊,咁樣做隨時即刻嚇走你嘅心儀對象啊!大家可以先係唔同嘅Channel到搵啱傾嘅對象先。例如:你係鍾意踢波嘅,你可以係 “足球講”到問下有冇鍾意足球嘅異性朋友,又可以睇下對方有冇共同喜愛嘅球員和球隊。咁就可以再進一步約對方一齊睇球賽。大家可以先了解對方嘅性格同價值觀,唔洗太急住表明自己要出Pool! 咁樣就可以避免揾到一啲唔適合自己嘅對象,仲有發現自己同對方原來唔係太適合嘅時候又唔會顯得尷尬。把握喺單身嘅時候裝備自己,相信你一定可以好快搵到合適嘅伴侶、出pool之日將會離你不遠!

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻https://goop.ai/

相關文章