Gööp民調(17)- 大學生上莊前嘅考慮

FB Share

又到Pro P嘅時候啦,喺大學範圍都見到唔少Booth,但係有Gööper提過依加越嚟越少人上莊啊,加上今年社會盪動,唔知社運有冇影響大學生今年上唔上莊呢?

樣本資料:

  1. 調查日期:2020年1月20日至 2020年1月29日
  2. 調查方法:經由Gööp網上平台收集意見
  3. 調查對象:香港大專生
  4. 成功收集樣本數目:2582票

民調結果顯示,有接近四成(38%)嘅大專生喺上莊前會先考慮Soc嘅風氣同文化。其次,選擇其他嘅大專生有兩成。其他選項分別有讀書(14%)、個人成長(13%)、經濟能力(8%)、CV(4%),社會風氣(3%)。

唔少同學仔上莊前都會考慮支莊嘅風氣適唔適合自己 。例如:同學仔會考量支莊嘅文化係點,支莊會關注咩事務工作呢,或者會睇下同莊員嘅工作能力同性格。事關你要同莊員共事一年,如果遇到一個同自己唔夾嘅莊員都真係幾難頂,重可能會令到成支莊嘅氣氛變得唔好,所以係上莊前真係要搵到有類同價值觀嘅莊員,係傾莊嘅時候就要諗清楚自己可唔可以同呢班莊員共事一年啦!咁做起事上黎都事半功倍啦!

同學仔除咗會考慮支莊嘅風氣,重會考慮金錢問題。話上莊唔洗錢就係呃人,有唔少同學仔都話上莊唔洗貼錢已經賺到,莫講話想靠莊賺錢。有時莊係可以向學校申請資助,但學校都唔會資助哂全部活動,所以搵個識管理流動資金嘅莊員係好重要。各位Gööper係諗梗上唔上莊嘅時候,記得要顧及自己嘅經濟能力。如果你哋職業係「兒子」嘅話咁梗係唔洗憂啦,但冇零用錢嘅各位就要諗下用幾多時間返Parttime,上莊會唔會對自身有太大負擔呢?

雖然上莊的確要付出好多精神、時間同金錢,但同時都會為你嘅大學時光帶嚟不一樣嘅回憶。正所謂有得必有失,各位Gööper上莊前諗清楚啊!

想知多啲有關上莊嘅事,就㩒下右邊條link啦👉🏻 http://bit.ly/2vkA5fV

— — — — — — — — — — — — — — — — — — — — — — — — — —

如果你仲想知多啲Gööp嘅討論!歡迎各位同學仔加入對話 http://bit.ly/2RHPeQ2, 了解更多Gööper嘅意見!

Related articles