大學生最常聽到字眼 — FWB

FB Share

甚麼是 FWB?

FWB — 小編近來發現Gööp入面多左好多同學仔尋覓緊一種關係,唔係招家姐細妹,啊哥細佬,而係一種開放性關係,簡稱FWB ( Friends With Benefits) 。對小編嚟講,呢種關係比起曖昧更糾纏不清,甚至好容易會令一段關係不知不覺間變質,究竟呢種關係會有啲乜嘢咁吸引人既地方?等小編同大家分析下啦!

(一)不受束縛嘅關係

對於FWB,好多時都係以自己慾望為前提下發生或者開始。有好多同學仔分享過俾我聽,同男/女朋友分開過左一段時間,會比較想喺心靈上同肉體上都得到慰藉,但又唔想擁有一段愛情,被對方用承諾去作為一種束縛,所以想擁有FWB。因為呢種關係,你並唔需要負上任何責任,唔洗報到唔洗交人,既可以有同戀愛差不多既互動,亦無戀愛既苦惱,看顧另一半嘅個種包袱。的而且確呢種關係喺好吸引,但長期黎講點都唔會對對方無半點喜歡既感覺,萬一唔小心沉船…..係二次傷害啊朋友。

(二)暫時忘記戀愛傷痛

沉醉喺呢段關係嘅其中一個原因,係因為對上一次戀愛嘅經歷唔太開心 ,令到自己對愛情失去信心,但人總會有愛人同被愛嘅需求,呢一種關係就可以令到自己覺得感覺被愛,但同時唔需要負責任因為冇承諾冇付出冇負擔,當然小編認為呢種關係好睇個人嘅特質,曾經係網上面睇過一句說話

“我們總以為自己很懂得玩遊戲;到頭來,傷得最深總是這一類愛撲火的人。”

FWB看似簡單無害,但呢段關係一發展,你能夠保證自己可以好灑脫抽身離開嗎?

(三)FWB 與 SP,分別在?

SP (Sex Partner) 單純是為了有性關係而擁有的名詞,當一段男女關係遇到性生活不平衡,而另一半對性亦十分之有需求,此時sp就發揮了作用,難聽啲嚟講即係出火工具,SP的功能也只是肉體上的滿足並無感情可言。 反之,FWB既是友情,也包含著性關係。沒有承諾和約束,也沒有情感上的依戀,建基於友誼上的同床密友有著戀人般的默契,抒發內心的情感與慾望,同時又不擁有對方,於自由的關係中各取所需,是帶有情感互動的不明關係。

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻https://goop.ai/

相關文章