Re-U 酒GAME懶人包
無論喺Hall定係出去飲嘢,只要有幾個人聚埋一齊就一定避唔過呢個輕鬆愉快嘅小活動。
點解酒GAME咁緊要?
因為酒,可以打破人與人既之間嘅沉默,更容易同同學/朋友打成一片,甚至可以話係一個小撇步去令一段友誼升lv去某種關係,所以你唔去學返幾個傍下身又點得呢〜 以下酒Games就係小編高度推薦俾各位同學細閱。
撞杯
好玩指數:☆☆☆
撞杯係酒Game嚟講算係新手級遊戲,
比較適合同一啲少飲酒又唔係太熟嘅朋友一齊玩〜絕對係暖身之選。
撞杯係酒Game嚟講算係新手級遊戲,
比較適合同一啲少飲酒又唔係太熟嘅朋友一齊玩〜絕對係暖身之選。
遊戲玩法:
A.) 首先,每人要有一個飲酒既杯,倒一半酒,然後圍圈坐。
註:(膠杯紙杯更佳,其他怕大家玩得激動得滯整碎咗)
B.) 隨機搵一位朋友開始,他可以選擇從左邊或右邊開始
C.) 選擇方向後,開始嘅個位朋友 可以選擇敲一吓或者兩吓台面
一吓 = 代表 順時針按次序敲杯
兩吓 = 代表 逆時針按次序敲杯
D.) 如果你敲咗一下,但下位朋友仔唔記得左敲杯 ,就為之輸。當然如果未到佢,又無啦啦拎起咗隻杯個位朋友都會當輸要飲架!仲有如果你敲到入面嘅酒倒瀉左你都係要飲既,所以反應遲鈍又大力嘅朋友仔要留意啦〜
E.)當大家對彼此既Tempo都好熟悉既時候,你就可以加多個玩法
三下 = 代表 SKIP一個 再下位先要敲杯
(無限loop)
— — — — — — — — — — — — — — — — — — — — — — — — — — — — — —
Wing Of Fire
好玩指數:☆☆☆☆
不適合: 易醉,脾氣差,不受控制嘅朋友仔
Wing Of Fire 係一種入門啲嘅酒Game,亦都係測試你同朋友仔之間嘅友誼之GAME
究竟會唔會涯義氣幫你頂酒 定係 睇住你飲到塊面成個關二哥咁紅之後偷影你呢?
遊戲玩法:
A.) 首先,要擺個陣 ,啤牌要呈圓形擺放,中間留一個空位放酒杯
B.) Ace到Queen既牌都可以Set Rules, 抽到K就會有一次倒酒既機會(要珍惜!)
但如果你唔小心抽中咗第四隻K,咁中間杯酒就要飲哂,然後又可以重新再玩過。留意番,如果你抽牌既時候唔小心斷咗個圈圈,你都係要飲嘅。
例子: (或者上google search “Ring of Fire” rules 睇圖片都會有好多)
A. 指人飲
2. 陪酒員
3. 私片
4. Link
5. 圍枚
6. Toilet 牌
7. 做動作
8. 撞機
9. Set rules
10. 自己飲
J. 上家飲
Q. 下家飲
K. 加酒,Last King飲哂
— — — — — — — — — — — — — — — — — — — — — — — — — — — — — — —
紅黑大細
好玩指數:☆☆☆☆
不適合: 易醉,脾氣差嘅朋友仔
紅黑大細嘅優勢就係速度快,中招機率高,純運氣型既酒game, 一個唔好彩下下都估唔中,就要飲好多杯㗎啦,全盛時期既小編試過太黑仔飲到…嘔。
遊戲玩法:
A.)首先,要有一副啤牌 (廢話)
B.)然後第一位估牌既人,要估𠴱隻牌係紅色定黑色
C.)如果估中左就到下一位,估大定細
(以上一隻牌為例,如果你估紅色 紅心7,
下一位估大細就要估下一張係大過7定細過7)
D.)如果估中左就到下一位,再估紅黑
— — — — — — — — — — — — — — — — — — — — — — — — — — — — — —
Bid牌
好玩指數:☆☆☆☆☆
不適合:酒量很差,反應慢的朋友仔
Bid牌絕對係酒GAME既重頭戲之一,朋友同朋友之間既爭牌決鬥,最後到底鹿死誰手呢?
遊戲玩法:
A.) 玩家會被派發兩張牌,唔需要俾人睇 然後計下自己夠唔夠21點
B.) 如果本身你嘅牌已經喺21點,呢一盤你就可以休息一陣
將你個牌比返主持人,你已經成功將輸家嘅酒double咗~
C.) 呢個時候 枱面會額外發放9張牌 當自己本身嘅牌未夠21點嘅時候
就需要bid走枱面上嘅牌,令自己夠點數。
例子:
A 同 B 各自都係16點,咁啱檯面上嗰隻係5, 呢個時候佢哋就要bid隻牌。
A可能就要Bid三啖酒,B就要Bid得高過A 嗌多幾啖。 如果最後嗌嘅啖數係無人高過A,張牌就會由A取得。當A而家21點既時候,就可以將牌比返主持人 輸家嘅酒就會由一杯變做兩杯〜
輸家嘅意思就係9隻牌開曬出嚟之後,最低點數就為之係輸,輸家就要飲double懲罰嘅份量,係要飲曬佢!!! 所以要玩得謹慎啲唔好發夢啊〜
希望呢篇懶人包 可以為大家嘅Re-U帶嚟樂趣
— — — — — — — — — — — — — — — — — — — — — — — — — —
想知道更多大專嘅資訊同加入大專嘅社群就㩒落呢度👉🏻https://goop.ai/