樣本資料:
- 調查日期：2019年12月9日至12月16日
- 調查方法：經由Gööp網上平台收集意見
- 調查對象：香港大專生
- 成功收集樣本數目：1648票
Gööp做咗一項民意調查，睇下香港大學生今年最想去睇到exchange。民調顯示超過五成(55%)香港大專生最想去歐洲Exchange! 美加(12%)就排係第二。有唔同嘅Gööper都留言講咗點解想去呢啲地方exchange，咁小編都喺到分享少少睇法啦！
Gööper Q & A
Gööper 1:紐西蘭去唔去得過?
S: 小編就唔識去過紐西蘭exchange嘅朋友，所以只可以上網做research再解答。如果去紐西蘭exchange之前，快啲考車牌或者同一個識揸車嘅同學再去啦！因為紐西蘭嘅景點唔似香港咁集中，有啲旅遊景點要揸好多個鐘車先去到。
Gööper 2:有冇人去過東歐Exchange?覺得點?
S:如果想去東歐exchange嘅同學，最好就揀波蘭，因為地理位置較好，交通會方便啲。 雖然小編就冇去過東歐Exchange，不過都有去過東歐一啲國家旅行，所以都可以分享少少睇法。如果你係東歐exchange，記得要去布拉格啊！最好帶埋另一半去啦，因為布拉格真係好浪漫，黃昏嘅時候喺天文鐘樓望去布拉格古堡，呢個景色你一世都會記得。如果問小編有咩好食，我就真係唔記得咗啦，事關小編去布拉格嘅時候食食下飯….攰到訓著咗，真人真事！不過捷克相比起其他歐洲地方嚟講物價算冇咁高，可以係出面食飽都唔會太貴。
Gööper 3:UK 啱啊，可以順便歐遊
S:去英國Exchange當然係一個好選擇！比起好多歐洲地方，英國可以100%用英文溝通當然方便好多。英國亦比起好多歐洲嘅地方相對安全。喺11月中到，英國好多城市都會有聖誕市集，有唔同攤檔售賣熱朱古力同Churros嘅特色小食。加上英國文化遺產豐富，有好多博物館同教堂都可以免費參觀。鍾意睇波同飲酒既同學一定要去英國啦，人生點都要睇一場英超！睇直播同相，喺永遠感受唔到英國足球嘅氣氛！每個城市都會有幾間Pub，就算你入唔到場睇，喺足球場出面既Pub睇一樣夠哂氣氛！去Exchange話就話去到其他國家梗係要感受當地生活，但少不免都會有思鄉嘅時候。係英國就唔洗擔心，隨時都食到碗男人最愛嘅豆腐火腩飯，加女仔最愛係珍珠奶茶。不過多華人同香港人呢樣就真，睇下你點取捨啦！
Gööper 4: 北歐嚟講物價都係算易接受同埋幾Chill
S: 如果同學仔係好鍾意大自然，小編勁度推介你去北歐Exchange！小編覺得北歐係成個歐洲最舒服嘅地區，特別係挪威。係挪威可以睇到峽灣、挪威縮影，上Fløyen山頂睇挪威景色。呢啲自然景色係香港係睇唔到。題外話挪威星期日係唔會賣酒㗎！去北歐Exchange仲可以順便去哂丹麥、瑞典、芬蘭，冰島等等，大家夢寐以求去嘅地方。不過北歐物價就真係唔算平，有好多餐廳都好貴，所以大家要衡量下啦！
Gööper 5: 台灣 負擔細啲、韓國，想去日本
S: 其實去Exchange都真係要用幾多錢！起居飲食、賣厚外套、日常支出計計埋埋都唔係一個細數目。如果同學仔唔想用太多錢係exchange到，去日本、韓國都係一個唔錯嘅選擇，點都會比歐洲美加平。不過日本同韓國都係階級觀念重同注重禮儀嘅國家，所以同學仔去之前最好就睇下有咩禮儀禁忌，咁就可以容易啲同當地人相處，唔會做咗一啲當地人唔鍾意嘅行為。
Gööper Comment 6: 加拿大 男朋友係加拿大留學
S: 好啊! 支持你啊! 小編都經歷過一年嘅Long D 戀。有時候會覺得唔係另一半身邊嘅時候，可以為對方做既事情就少咗好多!如果可以去到加拿大Exchange，當然對段感情好d啦。不過，小編都建議你要考慮係加拿大Exchange嘅學校係咪適合自己，同埋問下其他去過個間Uni exchange嘅同學意見。
如果你仲想知多啲Gööp嘅討論！歡迎各位同學仔加入對話，了解更多Gööper嘅意見！
— — — — — — — — — — — — — — — — — — — — — — — — — —
想知道更多大專嘅資訊同加入大專嘅社群就㩒落呢度👉🏻https://goop.ai/
