Gööp民調(8)-香港傳媒

FB Share

記者傳媒係反送中運動當中擔當其中一個重要嘅岡位!為咗俾讀者一手訊息,專業嘅記者冒住生命危險,採訪直播一切有關反送中運動既新聞📝。Gööp特意做咗一項民意調查,了解香港大學生最常用咩新聞媒體睇反送中運動嘅資訊。係芸芸新聞媒體當中,大學生又會跟據咩準則去選擇關注特定嘅新聞媒體呢📌!

樣本資料:

  1. 調查日期:2019年11月20日至12月1日
  2. 調查方法:經由Gööp網上平台收集意見
  3. 調查對象:香港大專生
  4. 成功收集樣本數目:953票

民調結果顯示,有超過五成半(57%)嘅香港大專生用立場新聞睇有關反送中嘅新聞。排名第二位嘅就係蘋果日報(17%),有接近兩成嘅香港大專生最常透過蘋果日報睇有關反送中嘅新聞。其餘嘅香港傳媒就各佔(1–6%),包括NOW新聞(6%)、香港01(5%)、有線電視(3%)、無視電視(3%)、港台(3%) 、香港獨立媒體(1%)及文匯報(1%)。相反,東綱同大紀元(0%)就未必係香港大專生睇有關反送中嘅新聞嘅選擇。

調查結果顯示,香港大專生(57%)選擇立場新聞嘅原因係記者質素。喺留言可見,好多同學仔都欣賞立場記者嘅專業態度,同學仔認為記者係「搵命博」同有熱誠。事實上,立場記者為報道反送中運動嘅報道出生入死,並揭露咗社會唔公義嘅事情。例如:【2019區選民建聯辦事處職員一事】及【專訪 6.12 傷者】等。立場哥哥 — 陳裕匡同立場姐姐 — 何桂藍更加係8月嘅時候被網民選為最Hit記者嘅第二位同第三位。11月嘅時候醫生証實立場哥哥不幸地身上生咗氯痤瘡,但陳裕匡係立場文章提到會繼續加油、盡做。

陳裕匡 - 立場文章【氯痤瘡】https://www.thestandnews.com/politics/%E6%B0%AF%E7%97%A4%E7%98%A1/
精選討論精華2

除此之外,有Gööper質疑無視新聞既報導手法。Gööper以「元朗西鐵站襲擊事件」,NOW、有線同港台新聞嘅報道都採用順敘式,盡量將在元朗西鐵站內發生的多宗襲擊事件從頭到尾呈現一次。 相反, TVB 通過將事件以倒敘方式呈現想透過報道傳遞,就是黑衣人「先撩者賤」。值得一提嘅係,雖然明報唔係Goop提供嘅選項之一,不過有Gööper就推薦同學仔用明報睇有關反送中嘅新聞,因為明報係一個報導持平嘅新聞傳媒。

如果你仲想知多啲Gööp嘅討論!歡迎各位同學仔加入對話,了解更多Gööper嘅意見!

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻https://goop.ai/

相關文章