2020DSE考生性格測驗結果

FB Share

***測驗結果只供參考

A. 學神

無咩好講,加油,keep it up。放鬆心情應試得架啦。(代表萬千學生表示羨慕妒忌恨)

B. 學霸型

溫DSE keep住之前溫書習慣就得架啦,唔好比太大壓力自己,DSE所有野(可能通識除外)都係中學6年學過嘅嘢,唔需要特別擔憂!

C. 策略型

作為策略型考生,你好清楚DSE問題年年轉但答案structure同解題模式(幾乎)年年一樣,讀marking scheme的確係增加你答案accuracy嘅最佳辦法。你目前最重要係確保自己係考試嘅time limit之下,有足夠時間答曬所有題目,操paper嘅時候提醒自己除左要答得準,仲要【答得快】。當然唔好唔記得都要睇notes睇書確保自己唔係淨係識係pastpaper出現過嘅題目內容。(可配合下面D.狂操型一齊服用)

D. 狂操型

作為狂操嘅選手,有幾點要注意:第一,做完題目一定要對答案,如果你同suggested marking有出入,盡量記住佢,下次做翻啱;第二,係操完題目之後,搵自己最唔熟嘅topics重新睇一次書同notes,【理解】翻相關內容再操卷,唔好盲目咁不停咁做。(可配合上面C.策略型一齊服用)

E. 背誦型

雖然大家都好唔鍾意背書,但對於某類學生,背書的確係最佳甚至乎唯一嘅溫書方法。如果你係呢類學生,我都係勸喻你最多用一半時間黎背書就夠 — — 唔需要將本textbook由第一隻字到最後一隻字都背出黎。記得留翻多啲時間操paper,訓練自己【應用】背咗嘅knowledge落試卷嘅能力,同時留翻時間比自己係操完paper之後去複習翻最唔熟嘅topics。

F. 理解型

對你黎講,你溫書期間終極目標唔需要可以背到每一隻字,而係透徹咁理解課程內容,見到個重點,你可以用你自己嘅文字去解釋翻個concept。呢個mode對溫書時間緊迫嘅DSE黎講非常有用,不過記得操完pastpaper之後睇翻marking scheme,有時候你用自己文字解釋個答案嘅時候會因為答唔中keywords而失分 — — DSE好多卷都係睇keyword比分。

G. ???

呢個測驗分唔到你入咩類型,不妨睇曬上述C到F再整合一個最適合自己嘅溫書模式啦。

以上呢段做到好似網絡算命同心理測驗咁,雖然未必係最專業嘅分析,但希望可以幫到各位理解自己同選擇最好嘅溫書模式。雖然分咗唔同嘅學生類型,但每一種都有自己嘅可取之處,除左自己果類之外都可以睇埋其他類型嘅學生嘅分析,豐富自己溫書模式同檢討需要改善之處。

下一篇再同大家睇下點樣可以訂立一個適合自己嘅DSE study plan啦!

By Gööp 升學攻略大使:Coeus Lee

香港大學工商管理學學士(法學)及法學士二年級

#DSE2020 #公開考試 #溫書攻略
 — — — — — — — — — — — — — — — — — — — — — — — — — —
想知道更多有關中學嘅資訊同加入全港中學生嘅社群就㩒落呢度👉🏻
https://goop.ai/

Related articles