學生移民整合懶人包!4大熱門移民地

FB Share

學生移民整合懶人包!4大熱門移民地方

國安法來襲,移民成為近嚟全民熱門搜尋,喺上一次Gööp Shall We Talk入面都見到好多Gööper有移民嘅諗法。但係對我哋學生嚟講投資移民門檻相對高,究竟想移民仲有咩選擇?以下就同大家整合幾個學生移民嘅方法!

1. 台灣

台灣係好多人移民嘅首選地,亦都係幾個鄰近國家移民門檻較。而學生可以選擇到台灣升學,只需三步就可以請移民。

三步即申請移民

  1. 台灣政府會採用「評點配額制」計分方式審批僑生留台嘅工作資格,包括學歷、國語及外語能力等項目,僑生需要獲滿70分就可以留台工作。
  2. 受聘平均月薪達約38,000元新台幣(約9,900港元)即可獲准在台工作。
  3. 畢業後留台工作並連續居留滿5年且最近1年於台灣平均每月收入夠11,000港元就可以申請定居。

***優點:門檻較低、移民審批程序相對快

***缺點:薪金相比香港較低

2. 加拿大

加拿大近年放寬移民政策,喺2019年至2021年間引入共108萬名新移民。除咗透過升學移民,大家都可以考慮自僱移民。自僱移民係加拿大商業移民嘅一種,憑申請人喺文化、藝術領域等嘅特殊技能及成功經歷,以自身優勢製造就業機會並且對加拿大的經濟、文化、藝術作出貢獻。例如係運動員、教練、攝影師設計師等職業,讀相關科目或者擁有都相關技能嘅同學仔可以考慮畢業工作幾年後考慮一下自雇移民。

申請資格及計分方式

  1. 對於文化、藝術有傑出貢獻 (兩年以上經驗)
  2. 世界級水準運動員 (兩年以上經驗)
  3. 經驗、教育、年齡、語文能力與適應能力計算達標 (35分以上)

***優點:無投資額及資產要求

***缺點:普通職業不適用

3. 澳洲

冇咁多預算去外國留學,都有方法可以移民嘅。澳洲係好多人選擇working holiday嘅地方,而澳洲當局就計劃放寬工作假期簽證嘅居留限期。當局推出2項新簽證類別,只要喺偏遠農區工作及生活滿3年嘅人士就可以申請永久居留權,名額約23,000個。如果唔介意日日都對住啲花花草草同綿羊嘅話都可以考慮吓呢種移民方法。

***優點:門檻較低

***缺點:受工種限制

4. 英國

英國舊年9月宣布恢復國際學生畢業後工作簽證(PSW),變相放寬移民申請。喺2020年入學嘅英國本科生或研究院國際學生,畢業後可獲得PSW簽證,有2年時間留喺英國搵工。而工作2年後由持有僱主擔保許可證嘅僱主聘用,並獲僱主保薦申請技術移民簽證(T2),再通過年薪限制及住滿5年,就可以申請英國永久居民身分。

***優點:不受任何工作限制

***缺點:住屋、生活費較昂貴

唔知以上嘅資料幫唔幫到咁多位有考慮移民嘅Gööper,不過我相信有得揀大家都會想留喺香港嘅。

相關話題:

  1. Shall We Talk: Ep5 你有冇諗過移民

如果你仲想知多啲Gööp嘅討論!歡迎各位同學仔加入對話,了解更多Gööper嘅意見!

— — — — — — — — — — — — — — — — — — — — — — — — — —

想知道更多香港學生嘅社群就㩒落呢度👉🏻https://goop.ai/

Related articles