Gööp民調(21)時代抗疫KOL選舉

FB Share

自二月起武漢肺炎疫情擴散,防疫用品及消毒用品嘅供應持續緊張😷!面對咁嚴峻嘅情況,政府針對疫情而實行嘅「特別政策」並未令到香港市民嘅期望。正因香港市民不敢對政府有期望,所以香港人發起「港人自救」、「康復香港時代抗疫」📣等口號。當中有唔少藝人、商人、教授自行或從各地搜購口罩、或製作消毒產品回香港,並免費派發給有需要嘅市民。 Gööp就提名咗7個人作為今次嘅時代抗疫KOL。喺呢7個人當中,你認為邊一位可以當選 「最佳時代抗疫KOL」呢👼🏻?

樣本資料:

  1. 調查日期:2020年2月24日至 2020年3月02日
  2. 調查方法:經由Gööp網上平台收集意見
  3. 調查對象:香港大專生
  4. 成功收集樣本數目:1498票

民調結果顯示,有超過四成(46%)嘅大專學生認為最具代表性同貢獻嘅「時代抗疫KOL」係被網民喻為「地上最強」黃絲嘅李嘉誠。其次,就係要買GTR嘅啊木 — 杜汶澤啊,有13%嘅大專學生投咗杜汶澤一票。其他提名人分別有胡力威教授(9%)、王維基(8%)、Bob叔(6%)、KKwong (4%)、古天樂(3%)及其他(11%)。

精選對話

有咁多大專生投票佢哋做「時代抗疫KOL」,當然有箇中原因啦。等小編細數一下「時代抗疫KOL」為香港市民嘅付出啦。如有錯漏,祈為指正!

第一位: 李嘉誠

功積1: 李嘉誠基金會於全球搜購口罩和防護物資,並已經贈送首批N95口罩予香港醫護。

功積2: 親身到紐西蘭購買保護衣。

功積3: 百佳店鋪如常營業,仲提供多款消毒套裝俾香港市民。百佳網店最新推出「米、麵、紙安心套餐」,買兩套更可享免費運送。

功積4: 捐資1億元支援武漢醫護。

功積5: 向13個社福機構及6間長者院舍派送共25萬個口罩。

李嘉誠基金會Facebook: https://www.facebook.com/lksforg/

第二位: 杜汶澤

功積1: 派發60,000個口罩給有需要人士。包括長期病患者、失明同聾啞人士、智障人士、老人家,及低收入家庭人士。喺派發口罩前先俾化學博士Dr Kwong 先檢口罩嘅質素,再派發達到標準嘅口罩。

功積2: 喺英國訂購一百萬毫升消毒搓手液並派發給醫護長者。

第三位: 胡力威教授

功積1: 教授掙扎抗疫「精氣神」,缺一不可嘅概念俾香港市民。

功積2: 教授可強化心肺機能嘅抗疫運動。

胡力威教授名言: 「人生沒有掙扎的話,和街市的死魚沒兩樣,人生、心靈上都要掙扎,不掙扎不強大。」
「精氣神」傳送門:https://www.youtube.com/watch?v=PvH389PSFDg

— — — — — — — — — — — — — — — — — — — — — — — — —

最後,感謝各界善心人士為香港市民所付出的一切,好人一生平安。

如果你仲想知多啲Gööp嘅討論!歡迎各位同學仔加入對話,了解更多Gööper嘅意見!

#全民自救 #精氣神 #和你抗疫 #李嘉誠 #杜汶澤
 — — — — — — — — — — — — — — — — — — — — — — — — — —
想知道更多大專嘅資訊同加入大專嘅社群就㩒落呢度👉🏻https://goop.ai/

Related articles