Gööp民調(10)- 表白成功率最高嘅節日

FB Share

Gööp民調(10)-表白成功率最高嘅節日

有研究講過喺冬天會容易啲出Pool!因為喺天寒地凍嘅時候,又加上冬天有一大堆佳節等住你過,人就會特別渴望有另一半,想向其他人「取暖」。咁究竟係冬天嘅節日表白會唔會容易成功啲呢!

樣本資料:

  1. 調查日期:2019年12月2日至12月9日
  2. 調查方法:經由Gööp網上平台收集意見
  3. 調查對象:香港大專生
  4. 成功收集樣本數目:1730票
Gööp民調(10)結果

民調顯示超過五成(52%)香港大專生認為係聖誕節表白嘅成功率係最高㗎!而愚人節就排係第二位,有23%嘅同學認為係愚人節表白嘅成功率都幾高。即刻碌落下面睇下,Gooper有咩表白計仔先!❤❤❤

聖誕表白第一招:
睇完同學仔既討論就知表白不外乎一個準則!就係要令到你嘅心儀對象感動,唔係你做幾多野都係白費心機。相信你嘅心儀對象喺無辨法抗拒到一份你親手整嘅聖誕禮物。準備好禮物,揀嗰安靜啲浪漫嘅地方表白就惦哂!

如果你係男Gööper,小編就建議你可以親手整一個永生花 。係女仔都鍾意收花,但就咁買鮮花表白,睇得一陣就花枯萎,唔環保都嚟又差咁少少誠意。如果你親手整一個永生花就唔同啦!有得跟據對象鍾意嘅顏色同花語去揀花。永生花可以放得耐,仲可以加張卡寫上你嘅心意,係女仔都覺得冧啦。依加有好多製作永生花班,連YouTube都有教學,想追到你嘅BABY就花少少心機去整啦!

如果你係女Gööper,小編就建議你可以報一啲一日甜品班,學整聖誕主題嘅黑朱古力樹皮蛋糕,因為男仔通常都比較鍾意食唔係太甜既甜品。又或者你可以整一啲Cupcakes,係Cupcakes 上面仲可以寫字或者畫圖案。有時想主動表白,又怕醜唔敢講出口。咁不如試下寫係你送嘅禮物上面,咁都係一個幾可行嘅方法!

聖誕表白第二招:彿系表白
不送花、不準備小禮物、不在浪漫環境下表白。如果感情到了自然就一起了!仲洗咩做準備功夫,直接拖住人哋隻手,順勢攬住人,叫人咗BB啦!
除咗聖誕節之外,愚人節都係一個好時機表白!原因好簡單,表白成功咪開開心心甜甜蜜蜜一齊囉。如果表白唔成功咪笑笑口講句:「我講笑咋!愚人節快樂」就算,眼淚留返係心𥚃流,又唔會搞到好尷尬。不過距離愚人節仲有一段好長嘅時間,所以單身嘅你都係把握聖誕節呢個好時機表白!小編老套啲喺到祝大家有情人終成眷屬❤

如果你仲想知多啲Gööp嘅討論!歡迎各位同學仔加入對話,了解更多Gööper嘅意見!

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻https://goop.ai/

Related articles

Get Gööp app to engage with your community now!

Google Play LinkApp Store Link