一、簡介
嶺南大學位於屯門，人稱LingU/LU。除咗地方比較偏遠，校內氣氛都比較和平，競爭較細，與世無爭，遠離人間繁囂。
二、地標/設施
- 教學大樓
- 李運強教學大樓（MB）：主要上堂嘅main building，最多人會去拉把同24
- 永安廣場（永安）：並唔係大型百貨公司，主要大型活動例如danso mass dance等先會用到
- 黃玉蘭樓（WYL）：地下係SSC（Student Service Centre） office，主要係社科人嘅集中地
- 林炳美樓（LBY）：CEAL office所在地
- 新教學大樓（NAB）：社區學院上堂嘅地方，Hall G、H嘅同學仔通常都會經呢到返Hall
- 郭少明伉儷樓（SEK）：BBA同學上堂嘅地方，去富泰買宵必經！
- 康樂樓（AM）：Soc房集中地
- 梁銶鋸樓（LKK）：文院主要上堂嘅地方，但係朝早上堂時間唔洗旨意等到lift
- 何善衡（HSH）：文學院department集中地
- 成龍體育館（成龍）：主要嚟呢到考試多過做運動
- 室外運動場：Sportsday同上PE堂先會去
- 天幕（Skylight）：上莊宣傳期好多soc會喺到擺booth
- 黃氏行政大樓（黃氏）：一年都唔會去一年嘅地方，只有N50個陣入過去
- 南宿草地：好多「嶺南貓」會喺到，一年會搞一之草地音樂會，有啲外國大學嘅feel
嶺大地圖：
三、Hall
讀嶺南嘅fm第一次係必宿嘅（可能係因為地方偏遠）所以就要睇熟以下LingU hall嘅簡介啦！至於以下描述都係跟據以往傳統嘅主流印象，真實體驗都係建議大家接觸吓唔同hall莊嘅人再做決定。不過由於今年未必有reg day/info day，所以大家都可以參考吓以下資料。
南宿
- HallA（紅呵）
傳統運動呵，係比較有傳統文化嘅Hall，都幾玩得同Chur得，sell開團結人多，好似一家人咁都幾warm。同學要視乎自己想唔想入比較chur嘅hall。同埋離富泰商場有啲遠，去買宵無咁方便，不過呢個都係南宿通病。 - HallB（紫呵）
傳統鍾意收靚仔靚女既Hall，啲人都玩得Chur得。運動方面女籃比較出色，位置都係離富泰比較遠。 - HallC
南宿中比較靜既Hall，因為Wardan office問題唔比叫Cheers。運動方面一般，以往每年都收比較多女仔，不過出名靚女多！位置就係南宿最入嘅hall。 - HallD（南宿藍呵）
有少少似民運既宿舍，政治立場鮮明，運動一般，但啲人都幾玩得。而且dresscode係花褲Hall Tee，成日有種去左沙灘既感覺，不過佢哋傳統係sell開頹look。
北宿
- HallE（北宿藍呵）
同隔離Hall F好熟，所以傳聞會話北宿圍爐，運動一般。相對其他Hall比較悶，距離教學大樓比較遠，適合佛系住呵，鍾意遠離煩囂嘅同學 - HallF
雖然相對南宿較悶但係運動風氣比較好，整體讀氣風氣較重，好多學霸聚集喺Hall F。有時會有聯Hall活動，但係離教學大樓比較遠。 - Hall G & H
兩棟Hall相差不大，多exchange、mainland。房比其他Hall會細，算繁一個讀書嘅好地方。
新宿
- WJY & WHC
WJY運動風氣一般，而WHC就唔錯。雖然棟Hall住到好多人，但係上水既比較少，適合啲鍾意靜，間唔中又想玩吓嘅fm。設施方面係最新，兩間房其用一個廁所，但兩部lift都成日有問題。係最近富泰嘅hall買宵好方便，但去main campus上堂就比較遠。
四、Canteen
嶺大嘅Canteen選擇比較少，只有3間餐廳，所以好多同學都會選擇去隔壁富泰「搵食」。
- 嶺大食坊
人稱平can，價錢非常貼地，有專for學生嘅$15飯（由美心經營，好多學生已經罷食） - 西餐廳
價錢相對貴，海南雞飯最出名 - 嶺南樓
茶樓，嶺南學生有優惠 - 富泰街市
可以話係LingU第4個canteen，選擇好多，好多餐廳出示嶺大學生證都會有優惠
五、2021/22 新學年安排
第一學期將全面恢復面授課程，亦要求所有宿舍及美孚校外學生宿舍的師生，包括學生、舍監及其家人等，如未完全接種疫苗，須定期接受病毒測試。
校方亦強烈鼓勵其餘所有教職員工和學生接種疫苗，或在返回大學之前進行病毒測試。校方表示，會要求教師上錄下所有面授課堂，並上傳到網站，讓學生可重溫。
同學有咩關於嶺大嘅問題都可以入GööpLingU Talk瘋狂討論或者留意嶺南大學學生會 Lingnan University Students’ Union嘅最新消息啦！
— — — — — — — — — — — — — — — — — — — — — — — — — —
想知道更多大專嘅資訊同加入大專嘅社群就㩒落呢度👉🏻https://goop.ai/
