Gööp民調(12)- 大學生最常返咩兼職

FB Share

點解返Part-time係「大學五件事」之一? 因為入到大學洗費一定比讀中學嗰陣多,要出席N個Re U不特只,平時返學車費又貴,仲要買返兩件衫返學著,如果要Chur埋Hall同莊,花費多到十隻手指都計唔到💸。加上屋企人可能已經唔會再俾零用錢你,咁你就知點解返Part-time都係「大學五件事」之一啦 !

樣本資料:

  1. 調查日期:2019年12月16日至12月23日
  2. 調查方法:經由Gööp網上平台收集意見
  3. 調查對象:香港大專生
  4. 成功收集樣本數目:2324票
精選討論精華1

民調結果顯示,有四成半(45%)嘅香港大專生最常返嘅兼職係私人補習。其他選項分別佔其他(22%)、零售業兼職(12%)、炒散(9%)、Intern(7%)、臨時工(3%),Freelance (2%)。

民意調查分析:

精選討論精華2

睇完各位同學仔嘅討論後,我哋發現大學生通常都係做私補。而私人補習嘅平均收入係$150 – 180一個鐘! 如果想做私補嘅同學,又唔知點定價先為之合理,就可以參考下呢個標準。另外,同學仔就講做補習社係比起一般私補低人工。同學仔仲話如果想私補收入高啲,咁就要睇下你嘅運氣啦。如果可以幫到一啲嚟自有錢家庭嘅學生,對方就當然願意比高啲人工。不過對方要求都相對會較高。如果想做私補嘅同學,應該先係超級市場出下貼示,或者睇下有冇親戚、家人,朋友介紹。Goop都有唔少搵私補嘅Group,大家都可以係Group互相交流下。 盡量係無渠道嘅情況下先再透過Agent搵私補,因為通常Agent都食水好深,所以各位Gööper係透過Agent搵工嘅時候都要注意。

除咗做私補、炒散、Intern,Freelance 之外,同學都會翻其他嘅兼職。例如係教琴、教水、議員助理,做大學Lab。而教琴每個月都可以搵到幾千蚊。有Gööper就話做議員助理有$6000一個月,一星期返兩日工,其餘時間都係Home Office。如果做過政黨Intern就會容易啲入行。另外,教水嘅收入更加係遠超私補,睇到同學仔話教水有$350一個鐘,小編都想即刻去考返嗰教練牌啊!

如果你仲想知多啲Gööp嘅討論!歡迎各位同學仔加入對話:http://bit.ly/37CLs0s,了解更多Gööper嘅意見!

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻https://goop.ai/

Related articles