仲有唔夠20日就要考DSE啦，除咗最後衝刺之外仲有好多小事大家以為唔重要就忽略咗，但其實對備戰好大幫助！今年咁嘅社會氣氛日日屈係屋企溫書令到個人都頹哂，不過唔緊要，係嚟𡁵剩餘10幾日嘅時間培養返好生活作息，做齊以下呢幾點，慢慢習慣備戰狀態到時就唔太緊張會適應唔到啦。

1.習慣早起身

唔好以為小編hea你，好似呀媽咁叫你早啲上床瞓教。可能喺Study leave期間大家都慣咗溫書溫到零晨，不過小編就建議大家喺考DSE前調整返好睡眠作息時間啦。除咗係因為唔夠瞓個腦會唔聽洗之外，大部分DSE科目嘅考試時間都係朝早，如果而家開始可以習慣早睡早起的話，到時就唔驚會唔適早應起或者擔心瞓過龍啦。

2.適當舒壓

其實到呢個最後關頭主要都係歸納同整理溫過嘅知識，再chur自己逼得自己太緊反而有反效果。所以每日除咗睇返自己整理嘅notes，都應該要抽時間比自己放鬆舒壓。雖然呢個時候都唔可以出街同朋友放鬆下，不過都可以係屋企比一兩個鐘break time自己聽吓歌、睇下劇緩和吓緊張嘅心情。

3.唔好亂食嘢

點解飲食習慣都係考試注意事項？腸胃不適會影響考試表現，所以喺臨考試前嘅呢段時間大家最好都食得清淡啲，好彩呢排少咗機會出去食飯，不過喺屋企都都唔應該大魚大肉或者溫書溫到廢寢忘餐。除此之外，根據英國巴斯大學嘅研究，唔食早餐會令人免疫力下降甚至注意力不集中。所以如果冇食早餐習慣嘅你最好由而家開始每日都食早餐， 一朝早補充體力先有動力作戰，不過就要避免食得太飽或者奶類食品啦。

4.圍爐取暖

雖然而家唔可以出街同朋友見面，但係正常嘅社交生活可以令你放鬆心情，感覺自己唔係孤軍作戰。上社交平台分享或者睇吓朋友嘅近況，唔好將自己只係困係書本入面。仲可以上Gööp嘅「全中學講」同咁多位DSE fighters一齊互相圍爐取暖，交流溫書心得添。不過小編就建議切忌唔好同朋友比較溫書進度，咁樣分反而會比更大壓力自己。

5.保重身體

前排教育局為考生提供50萬個口罩應試，但係啲口罩仲薄過我啲notes。所以以防萬一都係自備口罩最隱陣，尤其考場有咁多考生，就算係帶住口罩，都有受感染嘅風險。保護好自己。最好做好個人衛生，正所謂人冇事先做世界冠軍㗎嘛。雖然全民抗疫並唔只係DSE考生需要注意，不過小編都不厭其煩係到叮囑大家要保重身體，洗手洗手洗手！

即刻入Gööp討論更多有關DSE備戰嘅話題！

https://goop.ai/topic/DwVu/Jupas-A1揀左咩?ref=goopapp https://goop.ai/topic/qG7C/2020DSE既Say個Hi?ref=goopapp https://goop.ai/topic/zFFI/YY-mock-集中討論區?ref=goopapp

相關文章：

1.https://goop.ai/blog/ee0x/HKDSE-2020-衝刺攻略-二-制定計畫

2.https://goop.ai/blog/kgio/HKDSE-Tips-Youtube-Video-懶人包

3.https://goop.ai/blog/d401/2020DSE考生性格測驗結果

如果你仲想知多啲Gööp嘅討論！歡迎各位同學仔加入對話，了解更多Gööper嘅意見！

— — — — — — — — — — — — — — — — — — — — — — — — — —

想知道更多有關中學嘅資訊同加入全港中學生嘅社群就㩒落呢度👉🏻https://goop.ai/