點解屋企啲月餅食極都仲有㗎…

FB Share

4種月餅創意煮食方法

用月餅嚟整沙津…你聽過未?

雖然中秋過咗兩個星期,但相信好多人都仲喺被啊媽迫你三餐食月餅,直至清哂屋企嘅月餅為止! 呢幾年好多人都興喺食奶黃月餅前叮一叮先食,小編都有呢嗰習慣,真係好味好多!但其實中秋月餅仲有好多種食用方法㗎,等小編同大家分享下啦:

1.健康之選 — 日式田園月餅沙津好多人都擔心食咁多月餅會一定會肥好多。跟住以下嘅食譜就整到日式月餅沙津!先將啲和歌山蜜柑、靜岡蜜瓜、北海道橙肉哈密瓜切成一片片。然後加上適當既果仁同提子乾,再將預先切細既月餅混入水果中。最後再加上希臘乳酪,一份簡單既早餐就完成啦!嘩!呢種配搭好清新啊!冇哂月餅個種油膩感啊!

小編食完呢碗麵除咗「好味」都唔知講咩好啊!

2.宵夜之選 — 韓式泡菜月餅杯麵通常住Hall嘅同學仔都一定會放一兩個杯麵喺hall旁身架啦!冇杯麵都一定會有一兩個韓國拉麵做後備。先倒熱水入杯麵,加入已切細嘅月餅,淥佢3分鐘。當你空虛,當你寂寞,當你又凍嘅時候,呢味韓式泡菜月餅杯麵,分分鐘仲warm過同你BF/GF(if any)攬住訓〜

打邊爐打邊爐打;淥月餅淥月餅淥!

3.Re-U之選 — 打邊爐 ~~~~香港人無論冬天定夏天都鍾意打邊爐。打邊爐肥牛、丸、鳥冬,真係太基本。如果組爸媽係呢個時候拎個月餅出嚟淥一淥再俾組仔女食!組仔女應該當晚就quit埋group。(+) 月餅同沙嗲湯底果種配搭,真係call定白車都唔過份。唔洗諗,餵組仔女打邊爐食月餅一定係REU節目首選。

小編都想有嗰咁好嘅朋友啊 #友情大考驗

4.老友之選 — 月餅炒飯~~~~成班Frd出去食飯就多!你親手煮過飯俾你朋友食未先?如果你自認同班Frd好熟,就不妨整呢味試試佢〜做法好簡單:先將鑊預熱,再倒油爆香,媾埋肉絲同雞蛋,然後炒埋一碟,不得之了。查實呢,食到老友煮俾你嘅飯已經係世界十大奇蹟之一,食食下再發現稀有食材月餅,直線挑戰你哋之間嘅友誼!

睇完咁多種月餅煮食方法,仲唔快啲落手落腳試下整!煮完就要食哂啊,咪做大嘥鬼啊!

— — — — — — — — — — — — — — — — — — — — — — — — — — 
想知道更多大專嘅資訊同加入大專嘅社群就㩒落呢度👉🏻https://goop.ai/

相關文章