大學好猛鬼？

大學鬼故事(1)

HKU — 荷花池

有人話HKU係全港最多鬼故嘅大學! 港大荷花池鬼故可能係最多人聽過嘅靈異故事。傳說有一位女學生鍾意咗一位男老師，兩人相約在荷花池見面，但係呢位男老師竟然甩底。 最後呢個女仔就跳落荷花池自盡，連屍都搵唔返。有人話女鬼因為太愛個男老師，所以冤魂不散，一到夜晚嘅時候會出現係荷花池附近，不斷問路過嘅學生依加幾點。傳聞話如果係凌晨時間撞到女仔問時間，千祈千祈千祈唔好答佢啊!

CU — 志文111

話說有一個讀電子工程系同讀醫既學生住係新亞宿舍志文樓宿舍地庫111號房。佢哋平時都Friend過打band,又會一齊去讀書。直至有一日，讀電子工程系嘅個位男仔，係溫書嘅時候，越溫越心煩，最後佢承受唔住考試壓力，就係111號房入面自殺。佢用平時做功課用嘅電路板、電池、銅線、焊接器、鐘，自製咗一個自殺工具。先將一條條既銅線綁係自己個身到，再將線駁去電芯同鐘到。時間一到……就會連接到電，將自己慢慢慢慢咁係床上面電死。第二日，佢個室友返Hall，以為個讀電子工程系嘅個位男仔仲訓梗教。過咗一日，佢覺得好奇怪，點解個室友郁都冇郁過，佢拎開張被先見到個室友成面都係血，死咗係床上面。之後個醫科生就冇再住係新亞宿舍志文樓111號房，但經歷呢件事後，佢好似患咗精神病。

PolyU — 儲物櫃嬰靈

有人話PolyU係最猛鬼校園! 據說，以前有一對好恩愛嘅情侶， 但佢哋嘅屋企人一直都反對呢對情侶拍拖。佢哋只可以喺學校幽會直至深夜，但係有一日個女仔發現自己有咗bb。十個月後，佢地嘅BB係學校出世。雖然呢對情侶好唔捨得個BB不捨，但又知道雙方嘅家庭都唔容許呢個bb既出現。於是佢哋就將個BB放入學校嘅儲物櫃，BB就喺入面活活餓死…從此之後，好多人話夜晚經過學校，一排一排儲物櫃都會傳出BB嘅喊聲。話有嬰靈住咗係locker入面。呢個時候，千祈唔好手多多去打開儲物櫃，因為佢可能會以為你係佢嘅爸爸媽媽……跟你返屋企!

如果想知多啲大學嘅靈異傳說，密切留意大學鬼故事(二)啊！

— — — — — — — — — — — — — — — — — — — — — — — — — — — — —

想知道更多大專嘅資訊同加入大專嘅社群就㩒落呢度👉🏻https://goop.ai/