今年好多大專院校嘅info day都取消或者推遲咗，但係除咗info day之後，其實仲有好多方法了解自己心儀既院校同學系！

上Faculty網站

每一個U同每一個Faculty基本上都會有自己嘅網站，上面通常會有嗰科嘅curriculum，即係要讀幾多個credit先畢到業、 每個year要讀啲咩、會唔會有intern requirement等等。有啲faculty仲會放埋syllabuses上去，入面可以睇到faculty入面會有咩major同minor揀，甚至每個department會開咩course。除咗academic嘅野之外，網站入面都會有exchange同career嘅資訊，可以比你完整咁知道依科嘅特色同出路。

親身去campus參觀

親身去想讀嘅院校睇吓你心儀學系嘅building，感受個到嘅環境、氣氛。除咗faculty building之外，大家都可以睇吓唔同學會擺嘅攤位，甚至同坐攤位嘅人傾吓計，了解多啲嗰間學校嘅生活，有時間嘅話可以睇埋嗰間院校出名嘅地方同埋canteen，了解多啲讀書以外嘅ulife生活。但係記住大學有啲地方要學生先入得，大家去參觀個時就唔好入錯。

問師兄師姐

學校負責career/升學嘅老師都常比較容易到聯絡畢咗業嘅學生，可以問吓佢地會唔會識啲師兄師姐入到你心儀嘅學系或者大學。你可以問到佢地第一身嘅經歷，比起就咁睇網站可以更清楚個科啱唔啱你。除此之外，你仲可以問吓佢地間U既特色、有咩活動玩、住唔住宿舍好等等嘅問題，咁你揀錯U/科嘅機會就會大大減少。

用Gööp

Gööp係一個比大專生同中學生用嘅討論區，入面嘅‘升學講’已經有接近一萬個成員，唔同大學、唔同學系嘅同學都會喺到，清楚了解你心儀學系嘅特色。喺‘升學講’入面，你仲可以同一班都係準備升大學嘅同學仔交流，互相鼓勵，入大學之日就離你不遠！